افسانچے

از: ڈاکٹر نظیر مشتاق
۔۔۔۔۔۔۔اعتماد
ایسا ہو نہیں سکتا کہ میری تشخیص غلط ہو ۔۔۔ڈاکٹر ارمان علی خان نے اپنے سامنے کھڑے جونیئر ڈاکٹروں سے کہا ۔۔۔۔۔۔ایک ڈاکٹر نے دھیرے دھیرے کہا ۔۔سر اگر آپ کا ڈایکنوسس بالکل صحیح ہے تو بیمار کو کوئی افاقہ کیوں نہیں ہو رہا ہے ۔۔بخار جوں کا توں ہے اور بیمار کی حالت دن بہ دن بد تر ہوتی جارہی ہے ۔۔
اس کے باوجود بھی میں یہی کہوں گا کہ میرا تشخیص غلط ہو ہی نہیں سکتا ہے ۔۔اب مشکل یہ ہے کہ ۔اس بیماری کا ابھی تک لیبارٹری میں ٹیسٹ نہی ہو سکتا ہے۔ اب ایسا کرو ۔۔۔۔۔۔۔۔۔۔۔ڈاکٹر ارمان علی خان نے ایک ڈاکٹر کو سمجھایا کہ اگے کیا کرنا ہے
پانچ دن بعد بمبئی سینٹرل ڈرگ ٹیسٹنگ لیبارٹری سے رپورٹ آیا ۔۔۔۔۔۔۔۔جو کیپسول تجزیہ کے لئے ملے ۔ان میں ہلدی پوڑر کے سوا کچھ نہیں ملا ۔کیپسول نقلی ہیں ۔۔۔۔۔۔۔۔۔۔۔۔۔۔ڈاکٹر ارمان علی خان کے لبوں پر فاتحانہ مسکراہٹ تھی ۔۔۔۔اس نے جونیئر ڈاکٹروں سے کہا ۔۔۔مریض کے لئے دوسری ۔کمپنی کی دوائیاں تجویز کریں ۔۔۔ سبھی ڈاکٹر اسے پیار بھری نظروں سے دیکھ رہے تھے ۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔بلاعنوان۔۔
دفتر میں عارف امین سمنانی نے اپنی داڑھی پر ہاتھ پھیرا اور سامنے کرسی پر بیٹھے ہوئے سایل سے کہا ۔۔۔۔۔اس فایل کو پاس کروانے کے لئے آپ کو بیس ہزار روپے دینے ہوں گے ۔۔۔۔سایل نے سر جھکا کر حامی بھر لی کیونکہ اس نے اصلی سایل سے تیس ہزار روپے لئے تھے وہ تو بیچ والا تھا ۔۔۔۔روپے جیب میں رکھ کر عارف امین نے فایل کے ایک صفحے پر لکھے ہوئے نوٹ کے نیچے دستخط کیے اور سایل سے کہا ،آپ بڑے صاحب کے پاس جائے فایل وہاں پہنچ جائے گی، ۔۔۔۔۔۔۔۔اس کے بعد وہ نماز پڑھنے مسجد کی طرف چل پڑا۔۔۔۔۔۔۔۔۔۔۔ ۔۔۔۔۔۔۔
شام کو ۔اچانک اس کی بیوی کام کرتے کرتے بیہوش ہوگئی ۔۔۔۔وہ اسے نزدیک ہی ایک کلینک پر لے گیا
ڈاکٹر نے ایمرجنسی ٹیسٹ کرواے اور مریض کے لئے انجکشن اوردوایاں تجویز کیں آدھ گھنٹے کے بعد مریض ہوش میں آگئی۔ علاجِ و معالجہ پرکل۔۔۔ ملا کر دو ہزار روپے خرچ ہوئے ۔۔۔۔
کلینک کے ویٹنگ روم میں وہ دوسرے تیماردار سے کہہ رہا تھا ۔۔۔۔۔۔ان ڈاکٹروں نے لوٹ مچائی ہے ۔معمولی بیماری اور اتنا خرچہ ۔۔میری بیوی کو پریشانی اور ڈیپریشن ہے ۔۔۔زرا سا چکر آیا میں اسے ہیاں لایا اور ڈاکٹر نے چٹکی میں دو ہزار روپے ہضم کرلیے ۔۔ان ڈاکٹروں کو خدا کا خوف بھی نہیں ہے کس طرح مریضوں کو لوٹتے ہیں ۔۔۔۔۔۔۔۔ دوسرا آدمی اثبات میں سر ہلا رہا تھا ۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نتیجہ۔۔۔
آج نتیجہ آگیا تھا ۔۔۔گلناز نے میڈیکل انٹرینس میں پہلی پوزیشن حاصل کی تھی ۔۔۔اس کے ماں باپ اور رشتہ دار خوشی سے پھولے نہیں سما رہے تھے ۔۔۔۔گلناز ماں باپ کے سامنے بیٹھی تھی ۔۔۔۔۔دیکھا بیٹی تمہاری محنت رنگ لائی تم نے ہمارا نام روشن کیا ۔۔۔۔۔۔مگر مجھے کوئی خوشی نہیں ہے ۔۔میں اب بھی چاہتی ہوں کہ میں ایک مصور بنوں ۔۔مجھے رنگوں کے ساتھ کھیلنا بہت اچھا لگتا ہے مجھے کوئی پینٹنگ بناکر یک گونہ سکون ملتا ہےگلناز نے اداس لہجے میں کہا۔۔۔۔۔۔۔بیٹی ہمارے ہاں مصور کو رنگساز کہا جاتا ہے اس کی عزت ہی کیا ہے ۔۔تم نے اب انٹرنس میں ٹاپ کیا ہے اس لیے اب ڈاکٹر بننے پر فوکس کرو ۔۔۔۔۔میں نے ڈاکٹر بننے کا سپنا دیکھا تھا مگر میرے باپ ۔نے مجھے اکونامکس میں دھکیل دیا کیونکہ وہ ایک تاجر تھے ۔۔۔۔۔۔چلو اب تم میرا سپنا پورا کرو ۔۔۔۔۔۔۔۔گلناز کو یوں محسوس ہوا جیسے کسی نے اسے ایک لق و دق صحرا میں اکیلا چھوڑ دیا ہو وہ اکیلی بھٹکنے لگی ۔۔۔۔۔۔۔
اچانک اس کے کانوں سے باپ کی آواز ٹکرای ۔۔۔۔۔۔ ڈارلنگ میں نے سوچا کہ ہم سارے رشتے داروں کو ایک دن دعوت پر بھلایں گے ۔۔۔۔۔
سارے رشتے دار ہال میں حاضر تھے اور ہر کوئی گلناز کی تعریف کر رہا تھا کہ اس نے انٹرنس میں ٹاپ کیا ہے ۔۔۔۔۔اس کی ماں ۔کا سینہ فخر سے پھول رہا تھا چاروں طرف قہقے گونج رہے تھے اور ہر کسی کو گلناز کا انتظار تھا جو دوسری منزل پر اپنے کمرے میں کپڑے بدل رہی تھی ۔۔۔۔اچانک کسی شوخ اور چنچل عورت نے بلند آواز میں کہا ارے کوئی۔۔۔۔دلہن کو لاؤ نا ۔۔۔۔
گلناز کی ماں تیزی سے گلناز کے کمرے کی طرف گیی دروازہ کھولتے ہی۔اس کے منہ سے ایک چیخ بلند ہوئی گلناز سٹول پر چڑھ کر اپنے گلے میں پھانسی کا پھندہ ڈالنے والی تھی کہ اس کی ماں نے اسے بچا لیا ۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔اداکار
شوٹنگ کے لئے ایک وسیع و عریض مگر ویران باغ کا انتخاب کیا گیا تھا ۔ہر طرف کیمرے لگے تھے باغ میں چاروں طرف لاشیں بکھری ہوئی تھیں ۔بچے جوان عورتیں بوڑھے ۔۔۔۔ہر طرف لاشیں ۔۔۔۔۔ڈایرکٹر کا دل تیزی سے دھڑک رہا تھا ۔۔وہ چاہتا تھا کہ ایک ہی ٹیک میں سین او کے ہوجاے ۔۔۔لاشوں کے درمان کریکٹر ایکٹر سدھارتھ اوتار گھٹنوں پر جھکا ڈایلاگ بولنے کے لیے تیار تھا وہ اچھا اداکار مانا جاتا تھا مگر ڈایریکٹر کو جانے کیوں شک تھا کہ ایسے سین میں سدھارتھ بہترین اداکاری کر سکے گا یا نہیں۔۔۔۔۔سب کچھ تیار تھا ۔۔۔اسی وقت ایک لڑکا کہیں سے دوڑتا ہوا آیا اور سدھارتھ کے ہاتھ میں کاغذ کی ایک پرچی دے کر نو دو گیارہ ہو گیا۔ سدھارتھ نے کاغذ کی پرچی پڑھی
عین اسی وقت ڈایریکٹر کی بھاری آواز گونجی ۔۔۔۔Action……. سدھارتھ چلایا ۔۔۔۔۔مزہب کے ٹھیکے دارو کیوں بے گناہوں کا خون بہارہے ہو ۔۔کیا بگاڑا ہے ان معصوم لوگوں نے کسی کا جن کی لاشیں ہر طرف بکھری ہوئی ہیں وہ چلا رہا تھا اس کی آنکھوں کی برسات ہو رہی تھی ۔۔ڈایرکٹراسے عجیب مگر ثشکر بھری نظروں سے دیکھ رہا تھا سین اس کی امید ہے کہیں ذیادہ بہترین ہوا تھا ۔۔سدھارتھ پھوٹ پھوٹ کر رو رہا تھا ۔۔اچانکCUT..کی آواز سن کر لاشوں کی اداکاری کرنے والے اداکار کھڑے ہو گئے اور ہر کوی سدھارتھ کے لئے زور زور سے تالی بجاتے لگا ۔۔۔ڈذہرکثر نے دوڑ کر اسے گلے لگایا اور کہا ۔۔YOUare the best….. سدھارتھ کچھ کہے بناء وہاں سے بھاگ گیا اور تیزی سے پاگلوں کی طرح سڑک پر دوڑنے لگا
ہر کوئی اسے حیرت سے دیکھتا رہا ۔ڈایرکٹر سوچنے لگا کہ اسے کیا ہوگیا
بات دراصل یہ تھی کہ شوٹنگ شروع ہونے سے قبل جو پرچی اسے ملی تھی اس پر لکھا تھا ۔۔۔۔۔۔گروہی تصادم میں تمہارے دونوں بیٹے ہلاک ہو گئے ہیں ان کی لاشیں لاش گھر 88ایسٹ ایونیو میں شناخت کے لئے رکھی گئی ہیں ۔۔۔۔۔۔

Online Editor