چٹان ویب مانیٹرینگ
امریکی عدالت نے ہتک عزت کیس میں اداکارہ امبر ہرڈ پر ایک کروڑ 50 لاکھ روپے جرمانے عائد کردیا اور فیصلہ سناتے ہوئے کہا کہ اداکارہ امبر ہرڈ نے سابق شوہر جونی ڈیپ کو مقدمے میں بدنام کیا ہے۔
غیر ملکی خبر رساں ادارے ’ رائٹرز‘ کی رپورٹ کے مطابق مقدمے کی سماعتوں کے دوران واضح، گرافک شواہد اور سابقہ ہالی ووڈ جوڑے کے خراب تعلقات کی تفصیل پیش کی گئی تھی۔
ورجینیا کی عدالت نے جونی ڈیپ کے خلاف جوابی مقدمے کے کچھ پہلوؤں میں امبرڈ ہرڈ کے حق میں فیصلہ دیا۔عدالت نے امبرڈ ہرڈکو ایک کروڑ 50 لاکھ ڈالر ہرجانہ ادا کرنے کا حکم دیا جو وہ جونی ڈیپ کو دیں گی جبکہ پینل نے جونی ڈیپ کو بھی 20 لاکھ ڈالر جرمانہ کیا۔
پائریٹس آف دی کیریئبین کے ستارے 58 سالہ جونی ڈیپ نے 5 کروڑ ڈالر کا دعویٰ دائر کیا تھا اور مؤقف اختیار کیا تھا کہ امبرڈ ہرڈ نے اخبار کی ایک خبر میں ’گھریلو بدسلوکی کی نمائندگی کرنے والی عوامی شخصیت‘ کےطور پر جونی ڈیپ کی بدنامی کی۔
امبرڈ ہرڈ نے جونی ڈیپ پر 10 کروڑ ہرجانے کا جوابی مقدمہ کرتے ہوئے کہا تھا کہ جب جونی ڈیپ کے وکیل نے ان کے الزامات جو ’جعلی قرار‘ دیا تو جونی ڈیپ نے انہیں بدنام کیا۔جونی ڈیپ نے امبرڈ ہرڈ یا کسی اور خاتون پر تشدد کے الزامات کا مسترد کرتے ہوئے کہا کہ یہ وہ خاتون ہی رشتے کو تشدد کی طرف لے کر آئیں۔
خیال رہے جونی ڈیپ اور امبرڈ ہرڈ کی ملاقات 2011 میں دی رم ڈائری کی شوٹنگ کے دوران ہوئی تھی، انہوں نے 2015 میں شادی کی اور دو سال بعد ان کی طلاق ہو گئی تھی۔قانونی چارہ جوئی کا آغاز دسمبر 2018 میں واشنگٹن پوسٹ میں شائع ہونے والے ایک تبصرے سے ہوا جس میں امبرڈ ہرڈ نے گھریلو تشدد کے حوالے سے بیان دیا تھا، اس آرٹیکل میں جونی ڈیپ کا نام شامل نہیں کیا گیا تھا تاہم ان کے وکیل نے عدالت کو بتایا کہ اس میں واضح طور پر جونی ڈیپ کا حوالہ دیا گیا ہے۔
6 ہفتوں تک جاری رہنے والی سماعت میں امبرڈ ہرڈ کے اٹارنی نے دلیل دی کہ انہوں نے سچ کہا تھا کہ امریکا کے آئین کی پہلی ترمیم کے تحت ان کا تبصرہ آزادی رائے کا احاطہ کرتا ہے۔دوران سماعت عدالت نے جوڑے کے جھگڑوں کی ریکارڈنگز سنی اور ڈیپ کی خون آلود انگلی کی گرافک تصویر بھی دیکھی، جس پر جونی ڈیپ کا کہنا تھا کہ ان کی انگلی اس وقت زخمی ہوئی جب امبر ہرڈ نے ان پر 2015 میں ووڈکا کی بوتل پھینکی۔
ایمبرڈ ہرڈ نے ڈیپ کی انگلی زخمی کرنے سے متعلق الزام کی تردید کرتے ہوئے کہا ڈیپ نے شراب کے نشے میں انہیں جنسی استحصال کا نشانہ بنایا۔انہوں نے کہا کہ جونی ڈیپ نے انہیں اپنی بہن کا دفاع کرنے پر تشدد کا نشانہ بنایا۔
سماعت کو سوشل میڈیا پر وسیع پیمانے پر براہ راست نشر کیا گیا، سامعین کی بڑی تعداد نے جوڑے کے پریشان کن تعلقات کی تفصیلات توجہ دی۔ہولی ووڈ کے نامور ستاروں میں سے ایک جونی ڈیپ نے کہا کہ انہوں نے امبرڈ ہرڈ کے الزامات پر ’ہر چیز‘ کی قیمت ادا کی ہے ایک نئی فلم پائریٹس آف دی کیریئبین کو روک دیا گیا اور جونی ڈیپ نے فنٹاسٹک بیٹس کی فلم فرنچائز تبدیل کر دی، جبکہ ہیری پوٹر اسپن آف کردی گئی۔جونی ڈیپ دو سال سے بھی کم عرصہ قبل ایک توہین آمیز مقدمہ ہار گئے تھے، جس کے بعد ایک برطانوی اخبار نے انہیں ’بیوی کو مارنے والے‘ شخص کے لیبل منسوب کیا تھا۔
لندن ہائی کورٹ کے جج نے فیصلہ دیا تھا کہ جونی ڈیپ نے امبرڈ ہرڈ پر بار بار حملہ کیا۔ڈیپ کے وکلا نے امریکی مقدمہ فیئر فیکس کاؤنٹی، ورجینیا میں دائر کیا تھا کیونکہ واشنگٹن پوسٹ وہاں سے ہی شائع کیا جاتا ہے البتہ مقدمے میں اخبار کو فریق نہیں بنایا گیا۔
