موصوف صدر نے ان باتوں کا اظہار ہفتے کے روز یہاں ایک تقریب کے حاشیئے پر نامہ نگاروں کے ساتھ بات کرنے کے دوران کیا۔
انہوں نے کہا: ’جس طریقے سے مودی سرکار نے جموں وکشمیر کے لوگوں کا بھلا کیا ہے اور لوگوں کو ترقی اور انصاف ملا ہے اسی کا نتیجہ ہے کہ بی جے پی آج جموں وکشمیر کے تمام گھروں میں پہنچی ہے‘۔
ان کا کہنا تھا کہ آج یونین ٹریٹری کے ہر گھر کے چھت پر بی جے پی کا جھنڈا لہرا رہا ہے۔
مسٹر رینہ نے کہا کہ آنے والے اسمبلی انتخابات میں پچاس سے زیادہ سیٹیں حاصل کرنا بی جے پی کا ہدف ہے۔انہوں نے کہا کہ اس کے بعد جموں وکشمیر پر بی جے پی اور مودی جی کی حکومت ہوگی۔
ان کا کہنا تھا کہ بی جے پی کی حکومت میں جموں وکشمیر ایک بار پھر جنت سے زیادہ خوبصورت بنایا جائے گا۔
انہوں نے مزید کہا کہ جو لوگ بی جے پی میں شامل ہو رہے ہیں وہ ہمارے ساتھ مل کر پارٹی کو مزید مضبوط بنانے کے لئے انتھیک کام کریں گے۔
بتادیں کہ ہفتے کو کئی نامور شخصیتوں نے بی جے پی میں باقاعدہ شمولیت اختیار کی۔
یو این آئی
