نئی دہلی، 23 جون :
مرکزی وزیر داخلہ امت شاہ نے جمعرات کو ڈاکٹر شیاما پرساد مکھرجی کو ان کی برسی پر خراج عقیدت پیش کرتے ہوئے کہا کہ ہر ہندوستانی ان کی عظیم قربانی کا مقروض ہے۔
شاہ نے ٹویٹ کیا، ڈاکٹر شیاما پرساد مکھرجی جی کی زندگی قومی اتحاد، ثقافتی لگن، تعلیم اور ترقی کے نئے خیالات کا شاندار امتزاج تھی۔ بنگال کے دفاع کے لیے لڑنے اور کشمیر کو ہندوستان کا اٹوٹ انگ رکھنے کے لیے ان کی عظیم قربانی کاہر ہندوستانی مقروض ہے۔
انہوں نے کہا کہ ”ڈاکٹر مکھرجی جی کی گیان اور علمی دولت کو ان کے سیاسی مخالفین بھی سمجھتے تھے، وہ جانتے تھے کہ جن نظریات اور پالیسیوں پر اس وقت کی حکومت چل رہی ہے ان سے ملک کے مسائل کا حل ممکن نہیں ہے۔ کیوں انہوں نے قوم کے مفاد میں اقتدار کی خوشنودی کو خیرباد کہہ کر طویل جدوجہد کے پیچیدہ راستے کا انتخاب کیا۔
وزیر داخلہ نے کہا، ڈاکٹر مکھرجی کا ماننا تھا کہ کسی قوم کا روشن مستقبل اس کی اپنی آبائی ثقافت اور سوچ کی مضبوط بنیاد پر ہی ممکن ہے، اسی لیے انہوں نے ثقافتی قوم پرستی اور متبادل سیاسی سوچ کے سائنسی نقطہ نظر کو سامنے رکھا۔ وہی سوچ آج ملک کو ہر میدان میں آگے لے جا رہی ہے۔
قابل ذکر ہے کہ مکھرجی کی موت 23 جون 1953 کو مشتبہ حالات میں ہوئی تھی۔