سرینگر، 25 اگست:
جموں و کشمیر سرکار نے انتظامیہ کے مفاد میں فوری طور پر پانچ جے کے اے ایس افسران کے تبادلے اور تعیناتی کا حکم دیا ہے۔ ایک سرکاری حکم کے مطابق، رویندر کمار آنند، اسسٹنٹ کمشنر ریونیو، سامبہ کا تبادلہ کر کے جنرل منیجر، ڈی آئی سی، رامبن تعینات کیا گیا ہے۔
محترمہ ثناء خان، جے کے اے ایس، ڈپٹی ڈائریکٹر، اربن لوکل باڈیز، جموں کو تبدیل کرکے ڈپٹی ڈائریکٹر، دیہی صفائی ستھرائی جموں کے طور پر تعینات کیا گیا ہے۔منو ہنسا، جے کے اے ایس، ڈپٹی سکریٹری برائے گورنمنٹ، اسکول ایجوکیشن ڈپارٹمنٹ، کا تبادلہ کرکے اسسٹنٹ کمشنر ریونیو، سامبہ تعینات کیا گیا ہے۔ پیوش دھوترا، جے کے اے ایس، جنرل منیجر، جے کے آر ٹی سی، جموں، کو تبدیل کرکے اسسٹنٹ کمشنر ریونیو، جموں کے طور پر تعینات کیا گیا ہے۔میکسیمن گورکی، جے کے اے ایس، ڈپٹی ڈائریکٹر، دیہی صفائی، جموں کو تبدیل کرکے ڈپٹی ڈائریکٹر، اربن لوکل باڈیز، جموں تعینات کیا گیا ہے
