سری نگر،25اگست:
سری نگرپولیس نے جمعرات کو ایک بھتہ خور کو گرفتاری کرکے اس کی تحویل سے نقلی پستول بر آمد کیا۔سری نگر پولیس نے اپنے ایک ٹویٹ میں کہاکہ عمر قادر ڈار ولد مرحوم غلام قادر ڈار ساکن ہار نمبل ظفر کالونی نٹی پورہ نامی بھتہ خور کو گرفتار کیا گیا۔سری نگرپولیس نے آفیشل ٹویٹر ہینڈل پر ملزم کی تصویر کیساتھ جاری ٹویٹ میں کہاکہ گرفتار شدہ بھتہ خور نقلی پستول کا استعمال کرکے لوگوں کو ڈراتا تھا۔
پولیس ٹویٹ میں مزید کہا گیا کہ اس کی تحویل سے2 موبائل فون اور ایک لیپ ٹاپ بھی بر آمد کیا گیا۔
ٹویٹ کے مطابق پولیس نے اس ضمن میں پولیس اسٹیشن کوٹھی باغ سری نگر میں ایف آئی آرزیرنمبر66/2022کے تحت ایک کیس درج کیا ۔پولیس نے کہاکہ اس سلسلے میں مزید تحقیقات اورملزم سے پوچھ تاچھ جاری ہے ۔
