جموں ،31 اگست:
جموں و کشمیر میں گذشتہ چوبیس گھنٹوں کے دوران موسم بنیادی طور صاف رہا۔ بدھ کے روز صبح کے وقت آسمان پر بادل چھائے ہوئے تھے لیکن دوپہر تک تیز دھوپ نکلی آئی۔ اس وجہ سے گرمی میں اضافہ ہوا ہے۔ محکمہ موسمیات نے بدھ کے روز اگلے 24 گھنٹوں کے دوران جموں اور کشمیر میں موسم جزوی طور پر ابر آلود رہنے کی پیش گوئی کی ہے۔
منگل کو مرکز کے زیر انتظام علاقوں میں موسم بنیادی طور پر صاف تھا۔ محکمہ موسمیات کے ایک عہدیدار نے کہا کہ اگلے 24 گھنٹوں کے دوران جموں و کشمیر میں بنیادی طور پر صاف سے جزوی طور پر ابر آلود موسم رہنے کا امکان ہے۔ اس دوران جموں میں کم سے کم درجہ حرارت 25.8 ڈگری سیلسیس، کٹرہ میں 23.2، بٹوت میں 18.1، بانہال اور بھدرواہ میں بالترتیب 15 اور 17 ڈگری سیلسیس درج کیا گیا۔ سری نگر میں آج صبح کم سے کم درجہ حرارت 16.6 ڈگری سیلسیس، پہلگام میں 10.4 اور گلمرگ میں 9.5 ڈگری سیلسیس ریکارڈ کیا گیا۔ لداخ کے دراس شہر میں 7.3 ڈگری سیلسیس لیہہ میں 10.1 اور کارگل میں 16 ڈگری کم سے کم درجہ حرارت درج کیا گیا۔
