سرینگر،01ستمبر
پولیس اورفوج نے جمعرات کو جنوبی کشمیر کے اننت ناگ ضلع میں ملی ٹنٹوںکے ایک ساتھی کو گرفتار کیا۔
پولیس نے ایک بیان میں کہاکہ جمعرات کوبعدددوپہرتقریباًڈیڑھ بجے ملی ٹنٹوں کے ایک ساتھی کی نقل و حرکت سے متعلق مخصوص معلومات کی بنیاد پر، پولیس اور فوج کی تیسری راشٹریہ رائفلز نے ہٹمارہ سندوز اننت ناگ کراسنگ پر ایک ناکا لگایا۔بیان کے مطابق اس دوران ایک مشتبہ شخص چک حسن آباد سے ناکے کی طرف آیا اور سیکورٹی فورسزکو دیکھتے ہی مخالف سمت سے بھاگنے لگا۔
سیکورٹی اہلکاروںنے صبر وتحمل کامظاہرہ کرتے ہوئے بغیر گولی چلائے تعاقب کرکے اس شخص کوگرفتر کیاجبکہ تعاقب کے دوران اس شخص کوبھی فائرنگ کرنے سے روکاگیا۔پولیس نے مزیدکہاکہ اس شخص کی تلاشی لینے پر ایک پستول اور ایک میگزین اور 6 زندہ راونڈ برآمد ہوئے۔
پولیس نے کہاکہ گرفتار شخص کی شناخت فضیل احمد وگے ولد مشتاق احمد وگے ساکنہ چک حسن آباد، ہٹمارہ اننت ناگ کے نام سے ہوئی ہے۔پولیس نے بتایاکہ ملی ٹنٹوں کے گرفتارساتھی کیخلاف پولیس تھانہ مٹن اننت ناگ میں ایف آئی آرزیرنمبر78/2022زیرسیکشن 7/25آرمز ایکٹ اوریواے پی اے کی دفعات16،18اور39کے تحت کیس درج کیاگیااور مزید تفتیش جاری ہے۔
