سرینگر 14 ستمبر :
الیکشن کمیشن آف انڈیا ( ای سی آئی ) نے جموں و کشمیر یو ٹی کے تمام پارلیمانی حلقوں /اسمبلی حلقوں میں یکم اکتوبر 2022 کو اہلیت کے حوالے سے تصویری انتخابی فہرستوں پر خصوصی نظر ثانی کرنے کا حکم دیا ہے ۔
چیف الیکٹورل آفیسر جموں و کشمیر کے دفتر کے پبلک نوٹس کے مطابق انٹی گریٹڈ ڈرافٹ انتخابی فہرست کی اشاعت 15 ستمبر 2022 ( جمعرات ) کو ہو گی ، دعووں اور اعتراضات کو بھرنے کی مدت 15 ستمبر 2022 ( جمعرات ) سے 25 اکتوبر 2022 ( منگلوار ) مقرر کی گئی ہے ۔
اسی طرح خصوصی مہم کی تاریخیں 24 ستمبر 2022 ( ہفتہ ) ، 25 ستمبر 2022 ( اتوار ) ، یکم اکتوبر 2022 ( ہفتہ ) ، 2 اکتوبر 2022 ( اتوار ) ، 15 اکتوبر 2022 ( ہفتہ ) اور 16 اکتوبر 2022 ( اتوار ) مقرر کی گئی ہیں ۔
اسی طرح دعووں اور اعتراضات کو نمٹانے کی تاریخ 10 نومبر 2022 ( جمعرات ) کو مقرر کی گئی ہے جبکہ انتخابی فہرست کی حتمی اشاعت 25 نومبر 2022 ( جمعہ ) کو مقرر کی گئی ہے ۔
پبلک نوٹس میں یہ بھی بتایا گیا ہے کہ تمام متعلقہ افراد کی معلومات کیلئے تصویری انتخابی فہرستوں کا مسودہ 2022 ضلع ہیڈ کوارٹرز /تحصیل دفاتر /سرینگر اور جموں میونسپل کارپوریشنوں کے دفاتر /پولنگ سٹیشن کی سطح پر بوتھ لیول آفیسرز اور چیف الیکٹورل آفیسر جے اینڈ کے کی ویب سائٹ ceojk.nic.in پر دستیاب ہو گا ۔
اس میں مزید کہا گیا ہے دہلی ، جموں اور اودھمپور میں اسسٹنٹ الیکٹورل رجسٹریشن آفیسر ( مہاجر ) مقررہ شیٖڈول کے مطابق اپنے دائرہ اختیار میں رہنے والے کشمیری مہاجرین سے دعوے اور اعتراضات وصول کریں گے ۔
نوٹس میں یہ بھی کہا گیا ہے کہ وہ تمام افراد جن کی عمر یکم اکتوبر 2022 کو 18 سال یا اس سے زیادہ ہے وہ نئے ووٹرز کے اندراج کیلئے استعمال ہونے والے فارم نمبر 6 ، اعتراضات کیلئے استعمال ہونے والے فارم نمبر 7 کو داخل کر کے اپنے اپنے حلقے کی انتخابی فہرستوں میں اپنا نام درج کروا سکتے ہیں ۔ موجودہ انتخابی فہرست میں نام کو شامل کرنے /مٹانے کیلئے تجویز کردہ فارم 8 متعدد مقاصد کیلئے استعمال کیا جاتا ہے یعنی فہرست میں کسی بھی تفصیلات کی تصحیح، رہائش کی منتقلی ( حلقہ کے اندر یا باہر ) ، ای پی آئی سی کی تبدیلی اور معذور شخص کی نشاندہی اور فارم 6 بی موجودہ ووٹرز کے آدھار نمبر کو حاصل کرنے کیلئے استعمال کیا جاتا ہے ۔
اس میں مزید کہا گیا ہے کہ فارم اور ڈرافٹ انتخابی فہرست www.ceojk.nic.in سے ڈاؤن لوڈ کی جا سکتی ہے ۔ نوٹس میں یہ بھی کہا گیا ہے کہ واضح رہے کہ عوامی نمائندگی ایکٹ 1950 کے تحت دو جگہوں پر بطور ووٹر رجسٹریشن جرم ہے ۔
نوٹس میں کہا گیا ہے دعوے اور اعتراضات آن لائن اور آف لائن دونوں طریقوں سے پُر کئے جا سکتے ہیں ۔ دعوے /اعتراضات کی آن لائن فائلنگ کیلئے www.nvsp.in پر لاگ آن کر سکتے ہیں یا ووٹر ہیلپ لائن ایپ ( وی ایچ اے ) ڈاؤن لوڈ کر سکتے ہیں ۔ آف لائن موڈ کیلئے متعلقہ بی ایل او /اے ای آر او /ای آر او سے رابطہ کیا جا سکتا ہے ۔
نوٹس میں کہا گیا ہے کہ تمام اسٹیک ہولڈرز سے درخواست کی جاتی ہے کہ وہ نظر ثانی کی مشق میں حصہ لیں تا کہ اس بات کو یقینی بنایا جا سکے کہ زیادہ سے زیادہ اہل ووٹروں کا انتخابی فہرستوں میں اندراج کیا جائے ۔
