نئی دہلی، 14 دسمبر :
توانگ سیکٹر کے یانگتسے علاقے میں دراندازی کی نیت سے پہنچنے والے سینکڑوں چینی فوجیوں کو واپس بھگانے کا کارنامہ بھارت کی محض تین بٹالین نے انجام دیا۔ پیشگی انٹیلی جنس کی وجہ سے ہندوستان نے ان تین بٹالین کو گزشتہ ہفتے ہی اس جگہ پر تعینات کرکیا تھا جہاں چین نے یکطرفہ طور پر خطے میں حالات کو تبدیل کرنے کی کوشش کی تھی۔ چین کے فوجیوں کو اس کا علم نہیں تھا لیکن بھارتیوں کے جارحانہ رویے کے سامنے وہ اپنی سرحد پر واپس جانے پر مجبور ہو گئے۔
دراصل اس ماہ کے آغاز سے چینی ڈرونز اور ہیلی کاپٹروں نے ایل اے سی کے قریب پرواز کرتے ہوئے کئی بار فضائی دراندازی کی کوشش کی تھی، جس کا ہندوستانی فضائیہ نے جنگیطیارہ سخوئی اڑ اکر منہ توڑ جواب دیاتھا۔ دریں اثنا، ہندوستان کو زمینی سطح پر بھی چین کی دراندازی کے ارادوں کے بارے میں خفیہ معلومات موصول ہوئی۔ اس پر بھارتی فوج نے توانگ سیکٹر میں جموں و کشمیر رائفلز، جاٹ رجمنٹ اور سکھ لائٹ انفنٹری کی تین الگ الگ بٹالین تعینات کر دیں۔ پی ایل اے کو کسی بھی چینی مہم جوئی کا جواب دینے کے لیے ہندوستان کی تیاری کے بارے میں کوئی علم نہیں ہو سکا۔
بھارتی خفیہ ایجنسیوں کی معلومات کو درست ثابت کرتے ہوئے 09 دسمبر کو چینی فوجیوں کا ایک گروپ اروناچل پردیش کے توانگ سیکٹر میں ایک پہاڑی پر آیا جو اس وقت برف سے ڈھکا ہوا ہے۔ لاٹھی اور ڈنڈوں سے لیس ہوکر آئے تقریباً 300 چینی فوجیوں کا مقابلہ کرنے کے لیے یہاں پہلے سے ہی انفنٹری رجمنٹ کی تین بٹالین کے ہندوستانی سپاہیتعینات تھے۔ چونکہ یہ بات چین کو معلوم نہیں تھی، اس لیے پی ایل اے کے سپاہی جب آمنے سامنے آئے تو ہندوستانی فوج کے تین یونٹوں کے ساتھ ان کی جھڑپ ہوئی۔ جھڑپ کے دوران چینی فوجی کسی بھی قیمت پر ہندوستانی فوجیوں کو مات دینے کی کوشش کر رہے تھے۔
چینی فوجیوں کے ساتھ جھڑپ کے دوران ہندوستانی فوج کی تین بٹالین مرحلہ وارطریقے سے مقابل کیا۔ چینی فوج ڈرون کے ساتھ پورے علاقے کو شوٹ کرنے کے لئے آئی۔ چینی فوجیوں نے ہندوستانی فوجیوں پر حملہ کرنے کے لیے پتھراو¿ بھی کیا، لیکن انہیں منہ توڑ جواب دیتے ہوئے ہندوستانی فوجیوں نے ایل اے سی کے پیچھے ہٹنے پر مجبور کر دیا۔
فوج کے ذرائع کے مطابق چینی فوج کے اہلکار ہر سال اپنی کلیم لائن کے باہر گشت کرنے کی کوشش کرتے ہیں جس کی بھارت اجازت نہیں دیتا۔ لائن آف ایکچوئل کنٹرول پر، چینی فریق ہولی دیپ اور پریکرما علاقہ کے ارد گرد یانگتسے میں بھارتی گشت کی مخالفت کر رہا ہے۔ اس بار پہلے ہوائی اور پھر زمینی راستے سے دراندازی کی کوشش کی گئی ہے لیکن چین کو آسمان سے زمین تک نقصان اٹھانا پڑا ہے۔
