سرینگر /11مارچ:
جموں کشمیر میں زمینی صورتحال کو بہتر قرار دیتے ہوئے فوجی سربراہ جنرل منوج پانڈے نے کہا کہ مقامی لوگوں کی مدد سے عسکریت پسندوں کے خلاف بڑے پیمانے پر کامیاب آپریشن جاری ہے ۔ انہوںنے کہا کہ کشمیری عوام اب تشدد سے پاک ماحول چاہتے ہیں جو کہ ایک مثبت چیزہے ۔انہوں نے کہا کہ گزشتہ کئی سالوں سے حالات میں بہتری آئی ہے اور اب سرگرم ملی ٹنٹوں کی تعداد بھی کافی کم رہی ہے ۔
ایک مقامی نیوز چینل کے ساتھ بات کرتے ہوئے فوجی سربراہ جنرل منوج پانڈے نے کہا کہ جموں کشمیر میں عسکریت کے خلاف کامیاب آپریشن جاری ہے جبکہ کسی کو بھی عسکریت پسند کو آزاد نہیں جانے دیا جا رہا ہے۔
انہوں نے کہا کہ مقامی لوگ اب عسکریت پسندوں کی موجودگی کے بارے میں معلومات دے رہے ہیں۔ درحقیقت، اب ہمیں جو کچھ بتایا گیا ہے وہ یہ ہے کہ مقامی لوگ کہہ رہے ہیں کہ ہم عسکریت پسندوں کے خلاف کارروائی کریں گے ۔
انہوں نے کہا کہ ایک بہت ہی مثبت اشارہ ہے جو سامنے آ رہا ہے جبکہ جموں کشمیر کی زمینی صورتحال میں کافی بہتری دیکھنے کو ملی رہی ہے ۔ جنرل پانڈے نے کہا کہ ’’اب تک جو کچھ ہو رہا ہے وہ یہ ہے کہ لوگ ان عسکریت پسندوں کو جانتے تھے اور وہ کہاں کام کر رہے تھے، لیکن یہ بندوق کا خوف تھا جس نے انہیں معلومات ظاہر کرنے سے روک دیا تھا۔ لیکن اب وہ مختلف سوچ کے ساتھ یہ کہہ رہے ہیں کہ یا تو ہم ان کو لنچ کر دیں گے یا ایسے انتظامات کریں گے کہ وہ لنچ ہو جائیں‘‘۔
یہ بتاتے ہوئے کہ وہ نہیں جانتے کہ آیا یہ مقامی لوگوں کی طرف سے عسکریت پسندوں کے لیے کوئی پیغام ہے یا یہ انٹیلی جنس ایجنسیوں کے ذریعے کھیلا جا رہا ہے، جنرل پانڈے نے کہا کہ اگر یہ سابقہ تھا "تو میں کہوں گا کہ یہ ایک اچھا کارڈ کھیلا جا رہا ہے ۔
