جموں،5 مئی :
جموں وکشمیر کے ریاسی ضلع کے ماہور تحصیل میں آئی ای ڈی دھماکوں میں ملوث مقامی ملی ٹینٹ کے رہائشی مکان کو مسمار کیا گیا۔
اطلاعا ت کے مطابق ضلعی انتظامیہ ریاسی نے گلاب گڑھ میں گرفتار ملی ٹینٹ کے رہائشی مکان پر بلڈوزر چلا
سرکاری ذرائع نے بتایا کہ مذکورہ ملی ٹینٹ نے سرکاری اراضی پر مکان تعمیر کیا تھا اور قوانین کے مطابق اس کے مکان کو مسمار کیا گیا۔
معلوم ہوا ہے کہ محمد عروف شیخ کو پہلے ہی پولیس نے کٹرا اور نروال میں ہوئے دھماکوں کے سلسلے میں گرفتار کیا ہے۔
محمد عروف کی گرفتاری کے بعد اس کو نوکری سے برطرف بھی کیا گیا ۔
پولیس ذرائع نے بتایا کہ محمد عروف نے کٹرا میں سٹکی بم کے ذریعے ایک گاڑی کو نشانہ بنایا جبکہ نروال دھماکوں میں بھی اس کا ہاتھ ہے۔
