سری نگر، 7 جون:
انسٹی ٹیوٹ آف چارٹرڈ اکاؤنٹنٹس آف انڈیا کے ایک وفد نے سی اے (ڈاکٹر) راج کمار ادھوکیا کی قیادت میں مرکزی کونسل کے رکن آئی سی اے آئی نے آج راج بھون میں لیفٹیننٹ گورنر جناب منوج سنہا سے ملاقات کی۔وفد کے ارکان بشمول سی اے وکاس پردھانی، چیئرمین جے اینڈ کے برانچ؛ سی اے ونیت کوہلی، وی سی، جے اینڈ کے برانچ اور سی اے خطیب یوسف، ڈپٹی کنوینر کشمیر سی پی ای چیپٹر نے خطے میں سی اے کی تعلیم، اکاؤنٹنسی، اور تحقیقی کام کے فروغ سے متعلق مختلف امور پر تبادلہ خیال کیا۔
انہوں نے آئی سی اے آئی کے سنٹر آف ایکسی لینس کے قیام کا مطالبہ بھی پیش کیا۔ وفد نے لیفٹیننٹ گورنر کو 18 جون، 2023 کو سری نگر میں منعقد ہونے والی پبلک سروس/سول سروسز میں آئی سی اے آئی کے اراکین کی آئندہ 12ویں رہائشی میٹنگ سے بھی آگاہ کیا۔
