سرینگر/شدید گرمی نے کشمیر کے لوگوں کو پریشان کر رکھا ہے۔ صورتحال یہ ہے کہ گرمی سے راحت حاصل کرنے کے لیے ان دنوں بازاروں میں خربوزے اور تربوز کی مانگ بڑھ گئی ہے اور مانگ بڑھنے کے ساتھ ہی قیمتوں میں بھی اضافہ ہونا شروع ہو گیا ہے۔ قیمتیں علاقے کے لحاظ سے مختلف ہوتی ہیں۔
سرینگر میں خربوزہ 60 سے 70 روپے کے درمیان فروخت ہو رہا ہے جبکہ تربوز 40 سے 60روپے فی کلو کے حساب فروخت ہورہا ہے اور بعض علاقوں میں اچھی کوالٹی کا 80 روپے فی کلو تک فروخت ہو رہا ہے۔ اس وقت شدید گرمی سے راحت حاصل کرنے کے لیے اس کی بہت زیادہ خریداری بھی کی جارہی ہے۔وادی کشمیر کے مختلف علاقوں میں سڑکوں کے کنارے خیمے لگا کر خربوزے اور تربوز فروخت کیے جا رہے ہیں۔ اننت ناگ کے علاقے میں خربوزے اور تربوز فروخت کرنے والے علی محمد نے بتایا کہ شدید گرمی کی وجہ سے لوگ دوپہر کو نہیں آ رہے ہیں۔ صبح اور شام کو کاروبار اچھا چل رہا ہے۔
انہوںنے مزید کہا کہ گرمی بڑھنے سے مانگ بڑھ جائے تو قیمت بھی بڑھ جاتی ہے لیکن اس وقت خربوزہ -60 80روپے کے درمیان فروخت ہو رہا ہے۔ تربوز بھی مختلف معیار کا ہوتا ہے اور اس کا ریٹ بھی مختلف ہوتا ہے۔ یہ 40 سے 60 روپے کے درمیان بھی فروخت ہو رہا ہے، تاہم بعض علاقوں میں اچھی کوالٹی کا تربوز 60روپے کلو میں بھی فروخت ہو رہا ہے۔ اس کے علاوہ اس وقت آیس کریم کی مانگ بھی بڑھ گئی ہے۔ جسم کو اندر سے ٹھنڈا رکھنے کے لیے لوگ ایس کریم کھاتے ہیں۔
