سری نگر، 27 جولائی:
جموں و کشمیر کے لیفٹیننٹ گورنر منوج سنہا نے سینٹرل ریزرو پولیس فورس کے اہلکاروں اور ان کے اہل خانہ کو یوم تاسیس پر مبارک باد پیش کی۔انہوں نے کہا: ‘اس فورس نے ملک کی سلامتی اور سالمیت کے تحفظ کے لئے غیر متزلزل حوصلے اور قابل تعریف عزم کا مظاہرہ کیا ہے۔
موصوف لیفٹیننٹ گورنر نے جمعرات کو ٹویٹ کرکے کہا: ‘سی آر پی ایف کے یوم تاسیس پر میری طرف سے تمام اہلکاروں اور ان کے کنبوں کو مبارکباد۔انہوں نے کہا: ‘ اس معزز فورس نے ملک کی سلامتی اور سالمیت کے تحفظ کے لئے غیر متزلزل حوصلے اور قابل تعریف عزم کا مظاہرہ کیا ہے ۔
ان کا ٹویٹ میں مزید کہنا تھا: ‘قوم ان کی بے لوث خدمات کی ہمیشہ مقروض رہے گی ۔بتادیں کہ سی آر پی ایف کو 27 جولائی 1939 میں قائم کیا گیا تھا تب سے ملک میں 27 جولائی کو سی آر پی ایف کا یوم تاسیس کے بطور منایا جاتا ہے۔اس موقع کی مناسبت سے ملک بھر میں رنگا رنگ تقاریب کا اہتمام کیا جاتا ہے جن میں اس فورس کی کارکردگیوں کا تذکرہ کیا جاتا ہے۔
