سری نگر: سری نگر پولیس نے اپنے ہی بیٹے کا قتل کرنے کی کوشش کرنے کے الزام میں ایک شخص کو گرفتار کیا ہے۔
گرفتار شدہ کی شناخت محمود احمد وانی ولد نذیر احمد وانی ساکن سونہ وار سری نگر کے بطور کی گئی ہے۔
سری نگر پولیس نے اس سلسلے میں بدھ کو ٹویٹ کرتے ہوئے کہا: ‘محمود احمد وانی ولد نذیر احمد وانی ساکن سونہ وار سری نگر کو اپنے ہی بیٹے کو قتل کرنے کی کوشش کرنے کے الزام میں گرفتار کیا گیا’۔
ٹویٹ میں کہا گیا کہ دونوں کے درمیان جھگڑا ہونے پر چھرا گھونپ دیا گیا۔
پولیس ٹویٹ کے مطابق زخمی کو علاج و معالجے کے لئے ہسپتال منتقل کیا گیا جہاں اس کی حالت مستحکم ہے۔
پولیس نے اس سلسلے میں پولیس اسٹیشن رام منشی باغ میں آئی پی سی کے دفعہ 307 کے تحت ایک کیس درج کیا ہے۔
پولیس ٹویٹ کے مطابق جائے واردات سے واقعے میں استعمال کیا جانے والا ہتھیار بھی بر آمد کیا گیا۔
