سرینگر:ڈائرکٹر جنرل آف پولیس، جموں و کشمیر، آر آر سوائن نے سالانہ میلے کے موقع پر ماتا کھیر بھوانی پر گلہائے عقیدت پیش کیے اور جموں و کشمیر کے مرکز کے زیر انتظام علاقے میں لازوال امن، بھائی چارے اور ہم آہنگی کے لیے دعا کی۔ڈی جی پی نے میلے میں جمع ہونے والے عقیدت مندوں اور یاتریوں سے بھی بات چیت کی۔
پولیس چیف نے عقیدت مندوں کی بات سنی اور انہیں جموں و کشمیر پولیس کی غیر متزلزل حمایت کا یقین دلایا۔ ڈی جی پی نے کہا کہ ماتا کھیر بھوانی میلہ ہمارے شاندار ثقافتی ورثے اور فرقہ وارانہ ہم آہنگی کی علامت ہے۔ یہ ایک یاد دہانی ہے کہ ہماری متنوع برادریاں ہمیشہ امن اور ہم آہنگی کے ساتھ ساتھ رہی ہیں، اور ہمیں اس بندھن کو مضبوط کرنے کی کوشش کرنی چاہیے۔
