جموں، 25مارچ:
بھارتیہ جنتا پارٹی سے وابستہ ایک لیڈر نے جمعہ کے روز سنیئر نائب صدر غلام حسن میر کی موجودگی میں یہاں گاندھی نگر دفتر جموں میں منعقدہ تقریب کے دوران اپنی پارٹی میں شمولیت اختیار کر لی۔ اس پرگرام کا اہتمام صوبائی صدر یوتھ ونگ وپل بالی نے کیاتھا۔
اس موقع پر غلام حسن میر نے اُن کا خیر مقدم کرتے ہوئے کہاکہ جلال چودھری کی شمولیت سے عوام میں پارٹی کی جڑیں مضبوط ہوں گیں۔انہوں نے کہاکہ چودھری ایک معروف سیاستدان ہیں جن کی عوامی مقبولیت ہے اور زمینی سطح پر جُڑے ہیں۔ اُ ن کی شمولیت نے پارٹی ورکروں میں نئی اُمید پیدا کی ہے۔
اپنی پارٹی سنیئرنائب صدر نے سبھی خطوں کی یکساں ترقی اور سماج کے اتحاد کے لئے پارٹی کے ایجنڈے اور پالیسی کو اُجاگر کیااور کہاکہ ’’ایک مستحکم سماج اور یکساں ترقی لوگوں کو بہتر مستقبل کے لئے کام کرنے کا موقع فراہم کرسکتی ہے۔ انہوں نے یہ بھی کہاکہ اپنی پارٹی ایک ایسے وقت میں اُمید کی کرن بن کر سامنے آئی جب سماج کے سبھی طبقہ جات کے لوگ مایوسی کا شکار تھے۔
پارٹی نے بلا امتیاز سبھی طبقہ جات کی یکساں فلاح وبہبودی کے لئے کام کیا اس موقع پر پارٹی ریاستی جنرل سیکریٹری وجے بقایہ، ریاستی جنرل سیکریٹری وکرم ملہوترہ، صوبائی صدر جموں منجیت سنگھ، صوبائی سیکریٹری ڈاکٹر روہت گپتا، صوبائی جوائنٹ سیکریٹری کلونت سنگھ، او بی سی ریاستی کارڈی نیٹر مدن لال چلوترہ، ریاستی نائب صدر یوتھ ونگ رقیق احمد خان، ریاستی جنرل سیکریٹری ابہے بقایہ، صوبائی نائب صدر یوتھ ونگ جوگیندر سنگھ، صوبائی صدر ایس ٹی ونگ چودھری شبیر کوہلی، صوبائی سیکریٹری مہران انجم میر، صوبائی سیکریٹری یوتھ ونگ ویشال زوتشی، صوبائی نائب صدر خواتین ونگ پونیت کور، ضلع نائب صدر وائی بہو مٹو، ضلع سیکریٹری ابھشیک گوسوامی، ضلع سیکریٹری دیپک براڈو، ضلع سیکریٹری اشرف چودھری، ضلع سیکریٹری محمد آصف، سنیئر نائب صدر یوتھ ونگ سندیپ وید، ضلع سیکریٹری یوتھ ونگ انکوش ڈوگرہ، سکھوندر سنگھ لبی، سنی انت چب اور ابھینو گپتا وغیرہ بھی موجود تھے۔
