سری نگر: جموں و کشمیر میں اسمبلی انتخابات کے انعقاد کے عمل کو شروع کرتے ہوئے، الیکشن کمیشن آف انڈیا نے انتخابات کے لیے رجسٹرڈ غیر تسلیم شدہ جماعتوں کے لیے مشترکہ نشانات الاٹ کرنے کے لیے درخواستیں طلب کی ہیں۔ موصولہ اطلاعات کے مطابق کمیشن نے یونین ٹیریٹری کی قانون ساز اسمبلی کے عام انتخابات کے لیے انتخابی نشان (ریزرویشن اینڈ الاٹمنٹ) آرڈر، 1968 کے پیرا 10 بی کے تحت مشترکہ نشان کی الاٹمنٹ کی درخواستوں کو قبول کرنے کا فیصلہ کیا ہے۔
رجسٹرڈ غیر تسلیم شدہ جماعتوں سے مشترکہ نشانات کے لیے درخواستیں طلب کرنے کا الیکشن کمیشن کا اقدام اس بات کی نشاندہی کرتا ہے کہ جموں و کشمیر میں اسمبلی انتخابات قریب ہیں۔ دسمبر 2023 میں سپریم کورٹ نے الیکشن کمیشن کو 30 ستمبر 2024 تک یونین ٹیریٹور میں اسمبلی انتخابات کرانے کی ہدایت دی تھی۔
