ممبئی: رتن ٹاٹا کی موت کے بعد ٹاٹا گروپ نے اپنا نیا چیئرمین منتخب کر لیا ہے۔ نوئل ٹاٹا اس گروپ کے نئے چیئرمین ہوں گے۔ وہ رتن ٹاٹا کے سوتیلے بھائی ہیں۔ اس وقت نوئل ٹاٹا سر دورابجی کے ٹرسٹی ہیں۔ ٹاٹا کا کاروبار تقریباً 100 ممالک میں پھیلا ہوا ہے۔
ٹاٹا ٹرسٹ کے آنجہانی چیئرمین رتن ٹاٹا غیر شادی شدہ تھے اور انہوں نے اپنی موت سے پہلے کوئی جانشین مقرر نہیں کیا تھا۔ ٹاٹا ٹرسٹ میں رتن ٹاٹا ٹرسٹ، الائیڈ ٹرسٹ، اور سر دورابجی ٹاٹا ٹرسٹ شامل ہیں۔ رتن ٹاٹا کی موت کے بعد نوئل ٹاٹا کو ٹاٹا ٹرسٹ کے چیئرمین کے طور پر ممکنہ جانشین دیکھا جا رہا تھا۔ جبکہ مہلی مستری کو ٹاٹا ٹرسٹ کے بورڈ میں مستقل ٹرسٹی بنایا جا سکتا ہے۔
نوئل ٹاٹا کون ہیں؟
67 سالہ نوئل ٹاٹا رتن ٹاٹا کے سوتیلے بھائی ہیں اور کئی سالوں سے ٹاٹا ٹرسٹ سمیت ٹاٹا گروپ سے وابستہ ہیں۔ وہ نول ٹاٹا کے بیٹے ہیں۔ وہ پہلے سے ہی دورابجی ٹاٹا ٹرسٹ اور رتن ٹاٹا ٹرسٹ کے بورڈز میں ٹرسٹی رہے ہیں۔
فی الحال نوئل گھڑی بنانے والی کمپنی ٹائٹن اور ٹاٹا اسٹیل کے نائب صدر ہیں۔ وہ ٹاٹا گروپ کی خودرا کمپنی ٹرینٹ (جوڈیو اور ویسٹ سائیڈ کے مالک) اور اس کی این بی ایف سی فرم ٹاٹا انوسٹمنٹ کارپ کے چیئرمین بھی ہیں۔ نوئل وولٹاس کے بورڈ میں بھی خدمات انجام دیے ہیں۔
وہ ٹاٹا انٹرنیشنل کے منیجنگ ڈائریکٹر بھی ہیں، جہاں سے انہوں نے اپنے کیریئر کا آغاز کیا۔ سال 2010-11 میں اس تقرری کے بعد ہی یہ قیاس آرائیاں شروع ہوئیں کہ نوئل کو رتن ٹاٹا کی جگہ ٹاٹا گروپ کے سربراہ کے طور پر تیار کیا جا رہا ہے۔
