ممبئی 15 دسمبر (یواین آئی) غیر ملکی زرمبادلہ کے اثاثوں اور سونے کے ذخائر میں کمی کی وجہ سے 6 دسمبر کو ختم ہونے والے ہفتے میں ملک کے غیر ملکی زرمبادلہ کے ذخائر 3.24 ارب ڈالر کم ہو کر 654.9 ارب ڈالر رہ گئے۔
گزشتہ ہفتے ملک کے زرمبادلہ کے ذخائر 1.5 ارب ڈالر کے اضافے کے ساتھ 658.1 ارب ڈالر رہے تھے۔
ریزرو بینک کے جاری کردہ ہفتہ وار اعداد و شمار کے مطابق، 6 دسمبر کو ختم ہونے والے ہفتے میں غیر ملکی زرمبادلہ کے ذخائر کے سب سے بڑے جزو غیر ملکی کرنسی کے اثاثے 3.23 ارب ڈالر کم ہو کر 565.6 ارب ڈالر رہ گئے۔ اسی طرح اس عرصے کے دوران سونے کے ذخائر 4.3 کروڑ ڈالر کم ہوکر 66.9 ارب ڈالر رہ گئے۔
زیر جائزہ ہفتے میں، خصوصی ڈرائنگ رائٹس (ایس ڈی آر) میں 2.5 کروڑ ڈالر کا اضافہ ہوا اور یہ بڑھ کر 18 ارب ڈالرہوگیا۔ اسی طرح اس عرصے کے دوران انٹرنیشنل مانیٹری فنڈ (آئی ایم ایف) کے پاس ریزرو فنڈ 1.2 کروڑ ڈالر کے اضافے کے ساتھ 4.3 ارب ڈالر تک پپر پہنچ گئے۔
