سری نگر/30؍اپریل:سری نگر پارلیمانی حلقہ میں عام لوک سبھا اِنتخابات کے آزادانہ، منصفانہ اور پُرامن اِنعقاد کو یقینی بنانے کے لئے حلقہ کے جنرل اوبزرور مکل کمار نے پولیس اوبزرور سندیپ سنگھ چوہان اورایکس پنڈیچر اوبزرور سمبت مشرا کے ساتھ آج ڈی سی آفس کمپلیکس کے میٹنگ ہال میں سری نگر لوک سبھا نشست کے لئے الیکشن لڑنے والے اُمیدواروں اور ان کے نمائندوں کے ساتھ ایک مشترکہ میٹنگ اور بات چیت کی۔
میٹنگ میں ریٹرننگ آفیسر ۲۔ سری نگر پارلیمانی حلقہ ڈاکٹر بلال محی الدین بٹ بھی موجود تھے۔
میٹنگ میں ایس ایس پی پی سی آر شوکت حسین، ایس پی سیکورٹی کشمیر شیخ فیصل، نوڈل آفیسرپرمیشنز ظہور احمد میر، نوڈل آفیسر ایم سی سی ڈاکٹر الیاس احمد، ایم سی ایم سی کے نوڈل آفیسر احسان الحق چشتی، نوڈل آفیسرایکس پنڈیچر جاوید مقبول اور دیگر متعلقہ افسران بھی موجود تھے۔
میٹنگ کے آغاز میںاوبزروروںنے سری نگر لوک سبھا نشست کے لئے الیکشن لڑنے والے والے اُمیدواروں اور ان کے نمائندوں کے ساتھ تفصیلی بات چیت کی اور حلقہ میں لوک سبھا اِنتخابات کے اِنعقاد سے متعلق مختلف اہم پہلوؤں پر تفصیلی تبادلہ خیال کیا۔
اِنتخابی ضابطہ اخلاق کی عمل آوری، اِنتخابات کے دوران اُمیدواروں کی جانب سے اخراجات کی دیکھ دیکھ کے حوالے سے بھی بات چیت کی گئی۔
اُمیدواروں اور مختلف اُمیدواروں کے نمائندوں نے اَپنے تحفظات کا اِظہار کیا اور مختلف امور پر وضاحت طلب کی اوراِستفساری سیشن کے دوران اس کی وضاحت کی گئی۔
اِس موقعہ پر جنراوبزرور نے اُمیدواروں پر زور دیا کہ وہ اِنتخابی ضابطہ اخلاق کی دفعات اور الیکشن کمیشن آف اِنڈیا کے دیگر رہنما خطوط پر سختی سے عمل درآمد کو یقینی بنائیں تاکہ سری نگر لوک سبھا نشست پر پولنگ کے پُر اَمن، منصفانہ اور شفاف اِنعقاد کو یقینی بنایا جا سکے۔ اُنہوں نے ان پر زور دیا کہ وہ اِنتخابی مہم کے دوران انتخابی عمل کے تقدس کو برقرار رکھیں اور جمہوری جذبے کی حفاظت کریں۔
ایکس پنڈیچر نے اُمیدواروں کو اخراجات کے رجسٹروں کی دیکھ ریکھ کے بارے میں سمجھایا اور اُنہیں اِنتخابات سے متعلق مختلف اخراجات کے لئے ایک علیحدہ بینک اکاؤنٹ کھولنے کے بارے میں آگاہ کیا۔ اُنہوں نے مزید کہا کہ پوسٹروں، بینروں، گاڑیاں، پرنٹ اور الیکٹرانک اِشتہارات، عوامی جلسوں، خیموں اور ایسے تمام اخراجات کے لئے ایک حد مقرر کی گئی ہے جس کا ریکارڈ اِنتخابی عمل کے دوران رکھا جائے گا۔
پولیس اوبزرور نے انتخابی حلقے میں انتخابی مہم چلانے کے لئے الیکشن لڑنے والے اُمیدواروں سے تعاون بھی طلب کیا۔
اِس سے قبل ریٹرننگ آفیسر ۲۔ سری نگر پارلیمانی حلقہ نے اوبزروروں کو انتخابی ضابطہ اخلاق کی عمل آوری، میڈیا سرٹیفکیشن اینڈ مانیٹرنگ کمیٹی، ایکس پنڈیچر مانیٹرنگ کے طریقہ کار اور اِنتخابی عمل کے دیگر پہلوؤں کے بارے میں آگاہ کیا تاکہ پورے حلقے میں کسی بھی خلاف ورزی پر نظر رکھی جاسکے۔ اُنہوں نے اِنتخابی مہم چلانے والے اُمیدواروں کی جانب سے کی جانے والی انتخابی مہم اورریلیوں کے لئے اجازت دینے کے حوالے سے آسان بنائے گئے عمل کی بھی وضاحت کی۔
