ریو ڈی جنیرو، 18 جون:
برازیل کے صدور علاقے سے لاپتہ برطانوی صحافی ڈوم فلپس کی موت ہوچکی ہے۔ ایمیزون کے جنگلات علاقے سے لاش کی باقیات ملی ہیں۔ برازیل کی پولیس نے جمعہ کے روز کہا کہ برطانوی صحافی ڈوم فلپس کی باقیات کی سرکاری طور پر شناخت کر لی گئی ہے۔ ان کی لاش کو ایمیزون کے جنگلات میں دفن کیا گیا تھا۔ وہ کتاب کے تحقیقی سفر کے دوران لاپتہ ہو گئے تھے۔
پولیس کے مطابق فلپس 5 جون کو مقامی ماہر گائڈ برونو پریرا کے ساتھ لاپتہ ہو گئے تھے۔ دی گارجین اور دیگر بڑے بین الاقوامی اخبارات میں طویل وقت سے تعاون کرنے والے فلپس کے ساتھ پریرا امیزون کی پائیدار ترقی پر ایک کتاب پر کام کر رہے تھے۔ برونو پریرا برازیل کی مقامی امور کی ایجنسی ایف یو این اے آئی میں ماہر تھے۔ انہیں کئی بار لکڑہاروں اور کانکنوں کی طرف سے دھمکیاں مل چکی تھیں۔
برازیل کی پولیس نے کہا ہے کہ 41 سالہ ماہی گیر امریلڈو دا کوسٹا ڈی اولیویرا (پیلاڈو) نے فلپس اور پریرا کو قتل کرنے کا اعتراف کیا ہے۔ پیلاڈو نے اس کے لیے بندوق کا استعمال کیا۔ اس سلسلے میں پیلاڈو کے بھائی اوسینی دا کوسٹا ڈی اولیویرا کو بھی گرفتار کیا گیا ہے۔
امریکی محکمہ خارجہ کے ترجمان نیڈ پرائس نے ’’جوابدہی اور انصاف‘‘ کا مطالبہ کرتے ہوئے کہا کہ فلپس اور پریرا کو رین فوریسٹ اور مقامی لوگوں کے تحفظ کی حمایت کرنے کے لیے مارا گیا۔ پرائس نے ٹویٹر پر کہا: ’’ڈوم فلپس اور برونو پریرا کے اہل خانہ سے ہماری تعزیت… ہمیں ماحول کے محافظوں اور صحافیوں کے تحفظ کے لیے اجتماعی طور پر کوششوں کو مضبوط کرنا چاہیے۔
