سری نگر،10ستمبر:
SKICC سری نگر میں ہفتہ کو21ویں 2روزہ نیشنل نیورو پیڈیکن2022 کانفرنس شروع ہوئی جس میں ہندوستان بھر کے ممتاز اداروں کےNeurologistsیعنی ماہرعلم الاعصاب کشمیر کے ڈاکٹروں کےساتھ اپنا تجربات اورمعلومات شیئر کرنے کےلئے حصہ لے رہے ہیں۔
اطلاعات کے مطابق ڈاکٹر مظفر جان پروفیسر اور سربراہ شعبہ اطفال GMCگورنمنٹ میڈیکل کالج سرینگر نے اپنے استقبالیہ کلمات میں کہا کہ بچوں میں اعصابی بیماریاں بہت عام ہیں اور ہمیں خود کو اپ ڈیٹ رکھنے کی ضرورت ہے۔انہوںنے کہاکہیہ کانفرنس33 سال بعد یہاں منعقد ہو رہی ہے،سلئے ہمیں اس موقعے کابھرپورفائدہ اُٹھانا چاہئے ۔ڈاکٹر مظفر جان کاکہناتھاکہ کانفرنسیں اور ورکشاپس خیالات اور تجربات کو بانٹنے کا ذریعہ بنتے ہیں۔
انہوں نے اُمید ظاہر کی کہ اگلے2 دنوں میں وہ کانفرنس میں شرکت کرنے والے معروف ڈاکٹروں سے کافی تجربہ حاصل کر سکیں گے۔ ڈاکٹر مظفر جان نے کہاکہ بچوں میں اعصابی مسائل بہت عام ہیں اور ہسپتال میں داخل ہونے والوں میں سے 10سے15 فیصد میں اعصابی مسائل ہوتے ہیں۔ انہوں نے مزید کہا کہ انہوں نے زیادہ تر اعصابی عوارض کو ایڈجسٹ کرنے کی کوشش کی ہے۔
ڈاکٹر مظفر جان نے GMCگورنمنٹ میڈیکل کالج سرینگر کے پیڈیاٹرک سیکشن کو 250 بستروں والے جی بی پنتھ سے 500 بستروں والے سپر اسپیشلٹی ہسپتال بمنہ میں اپ گریڈ کرنے پر حکومت کا شکریہ ادا کیا، جو ایک ہفتے کے اندر کام شروع کر دے گا۔انہوں نے کہاکہ ہم پیڈیاٹرک سپر اسپیشلٹی ٹریننگ انسٹی ٹیوٹ بنانے کا بھی منصوبہ بنا رہے ہیں اور اگلے 10سے15 سالوں میں، ہم جموں و کشمیر کے ہر کونے اور کونے میں بچوں کے سپر اسپیشلسٹ ڈاکٹروںکو تربیت دیں گے۔
گورنمنٹ میڈیکل کالج سرینگر کے شعبہ اطفال کے سربراہ ڈاکٹر مظفر جان نے یہ بھی کہا کہ نوزائیدہ بچوں کی اموات کی شرح 2015 میں32,4 فیصدسے کم ہوکر2020 میں 16.3 فیصدہوگئی ہے اور گزشتہ پانچ دہائیوں میں پہلی بار نوزائیدہ اموات کی شرح سنگل ہندسے کو چھوئی ہے جو اب9.8فیصد ہے۔
