سرینگر /03اگست :
جموں و کشمیر میں ترقی کی رفتار کو تیز کرنے میں حکومت ہند کی مسلسل کوششوں سے مرکز کے زیر انتظام علاقے میں ایک نئی تبدیلی آئی ہے کا دعویٰ کرتے ہوئے مرکزی وزیر مملکت برائے داخلہ نے کہا کہ دفعہ 370 اور دیگر آئینی ابہام کی وجہ سے خطے کے لوگوں کو ملک کے آئین میں درج مکمل حقوق اور مختلف مرکزی قوانین کے دیگر فوائد سے محروم کر دیا گیا تھا جن سے ملک کے دوسرے شہری لطف اندوز ہو رہے تھے۔ آئینی تبدیلیوں کے بعد، تمام مرکزی قوانین جموں و کشمیر کے میں لاگو ہو چکے ہیں، 205 ریاستی قوانین کو منسوخ کر دیا گیا ہے اور 130 ریاستی قوانین میں ترمیم کر کے لاگو کیا گیا ہے۔
انہوں نے مزید کہا کہ جموں و کشمیر کی تاریخ میں پہلی بار 3 درجے کا منتخب پنچایتی راج نظام قائم کیا گیا ہے اور پنچایتوں اور شہری بلدیاتی اداروں دونوں کو فنڈس، اور کاموں کی منتقلی کے ذریعے بااختیار بنایا گیا ہے۔ سی این آئی کے مطابق 26 صفحات پر مشتمل سوالوں کے جواب میں مرکزی وزیر برائے داخلہ امور نیتی آئند رائے نے جموں و کشمیر کی ترقی کیلئے اٹھائے گئے اقدامات سے متعلق سوالوں کا جواب دیتے ہوئے راجیہ سبھا کو بتایا کہ حکومت ہند جموں اور کشمیر کی مجموعی ترقی کیلئے پوری طرح پرعزم ہے۔ کشمیر اور اس سلسلے میں کئی اقدامات کر چکے ہیں۔وزیر نے کہا ’’دفعہ370 اور دیگر آئینی ابہام کی وجہ سے، اس خطے کے لوگوں کو ملک کے آئین میں درج مکمل حقوق اور مختلف مرکزی قوانین کے دیگر فوائد سے محروم کر دیا گیا تھا جن سے ملک کے دوسرے شہری لطف اندوز ہو رہے تھے۔
آئینی تبدیلیوں کے بعد، تمام مرکزی قوانین جموں و کشمیر میں لاگو ہو چکے ہیں، 205 ریاستی قوانین کو منسوخ کر دیا گیا ہے اور 130 ریاستی قوانین میں ترمیم کر کے لاگو کیا گیا ہے‘‘۔ انہوں نے مزید کہا کہ جموں و کشمیر کی تاریخ میں پہلی بار 3 درجے کا منتخب پنچایتی راج نظام قائم کیا گیا ہے اور پنچایتوں اور شہری بلدیاتی اداروں دونوں کو فنڈس اور کاموں کی منتقلی کے ذریعے بااختیار بنایا گیا ہے۔ وزیر اعظم کے ترقیاتی پیکیج کا اعلان 7 نومبر 2015 کو وزیر اعظم نے جموں و کشمیر کی سماجی و اقتصادی ترقی کو مضبوط بنانے کے لیے کیا تھا۔ جموں و کشمیر کے 53 پروجیکٹوں میں سے 58,477 کروڑ روپے کی لاگت سے، 32 پروجیکٹ جون 2023 تک مکمل یا مکمل ہونے کے قریب ہے ۔ وزیر نے کہا کہ اگست 2019 کے بعد پروجیکٹوں کی رفتار تیز ہوگئی ہے۔
یہ بتاتے ہوئے کہ چھ سرنگوں کو کھولنے سے وادی سے سڑک رابطے میں بہتری آئی ہے جس میں قاضی گنڈ اور بانہال کے درمیان 8.45 کلومیٹر ٹوئن ٹیوب سرنگ بھی شامل ہے جس سے جموں سے سرینگر کا اوسط وقت 10 گھنٹے سے گھٹ کر 5گھنٹے ہو گیا ہے۔ انہوں نے کہا کہ اس سے وادی میں سامان اور خدمات کی لاجسٹک لاگت میں کمی آئی ہے۔ انہوں نے مزید کہا کہ حکومت جموں و کشمیر میں صنعتی پالیسی کی طرف سے مختلف اقدامات اٹھائے گئے ہیں۔جموں و کشمیر کی سیاحتی پالیسی، 2020 کی طرف اشارہ کرتے ہوئے، جس کا مقصد جموں و کشمیر کو گھریلو اور غیر ملکی سیاحوں کے لیے ہر موسم میں سب سے زیادہ پسندیدہ سیاحتی مقام بنانا ہے، وزیر نے کہا کہ بنیادی ڈھانچے پر بڑھتے ہوئے اخراجات کے ساتھ ساتھ پالیسی اقدامات کے نتیجے میں غیر معمولی تعداد میں اضافہ ہوا ہے۔
انہوںنے کہا کہ سال 2022 میں، 26.73 لاکھ سیاحوں نے وادی کشمیر کا دورہ کیا، جو اب تک ریکارڈ کیے گئے پچھلے سب سے زیادہ تعداد سے دوگنا ہے۔ موجودہ سال 2023 کے دوران 1 لاکھ 10کروڑ سیاحوں نے جموں و کشمیر کے کا دورہ کیا جس میں سے 16,423 غیر ملکی سیاحوں نے جموں و کشمیر کے دورہ کیا جو کہ اسی مدت میں 4,411 کے پچھلے اعداد و شمار سے تقریباً 4 گنا زیادہ ہے۔پارلیمنٹ کو مزید بتایا گیا کہ جموں کشمیر کو یو ٹی میں تبدیل کرنے کے بعد بڑے پیمانے پر بھرتی مہم چلائی گئی ہے اور جموں و کشمیر حکومت نے 29,295 آسامیاں پْر کی ہیں۔ 7,924 آسامیوں کا اشتہار دیا گیا اور 2,504 آسامیوں کے سلسلے میں امتحانات منعقد کیے گئے ہیں۔
