سری نگر:سرحدی ضلع کپواڑہ کے جنگلی علاقے میں سیکورٹی فورسز نے بڑی مقدار میں اسلحہ وگولہ بارود اور قابل اعتراض مواد برآمد کرکے ضبط کیا ہے۔
سری نگر نشین دفاعی ترجمان نے ایکس پر جانکاری فراہم کرتے ہوئے بتایا کہ مصدقہ اطلاع موصول ہونے کے بعد آرمی اور جموں وکشمیرپولیس نے بدھ کے روز مشترکہ طورپر کپواڑہ کے دردنار جنگلی علاقے کو محاصرے میں لے کر تلاشی آپریشن شروع کیا۔
انہوں نے بتایا کہ ملی ٹینٹ مخالف آپریشن کے دوران جنگلی علاقے سے ہینڈ گرینیڈ، پستول، آر پی جی راونڈ اور دیگر قابل اعتراض مواد برآمد کرکے ضبط کیا گیا ہے۔
انہوں نے کہاکہ اس سلسلے میں کیس درج کرکے مزید تحقیقات شروع کی گئی ہے۔
