از:آصف اقبال
10دسمبر کو سالہائے گُزشتہ کی طرح اس سال بھی عالمی سطح پر حقوقِ انسانی کے دن کو طور منایا گیا۔ اس دِن کے مناسبت سے پوری دُنیا میں مُختلف تقاریب کا انعقاد کیا جاتا ہے،حقوقِ انسانی کے حوالے سے لچھے دارتقریریں کی جاتی ہیں،رپورٹیں پیش کی جاتی ہیں، انسانی جانوں کا زیاں اور جنگی تباہیوں پر تبصرے کئے جاتے ہیں۔ 1948ء سے لگاتار یہ دن منایا جاتا ہے ۔دوسری جنگِ عظیم کی تباہ کاریوں اور بربادیوں کے بعد کئ سارے ملکوں نے اجتماعی طور فیصلہ کیا کہ 10دسمبر کو انسانی حقوق کی بحالی کے لئے عالمی سطح پر ایک دن منایا جانا چاہیئے تاکہ چہار دانگ عالم میں انسانی حقوق کی بحالی کے لئے کوششیں ہونی چاہیے۔رنگ و نسل زبان اور علاقائ بنیادوں سے اوپر اُٹھ کر ہر ایک انسان کو زندگی گُزارنے کا پورا حق حاصل ہو ۔اس دن کی مناسبت سے جنگ و جدل کے نقصانات پر تفصیلی رپورٹیں پیش کی جاتی ہیں اور یہ جنگیں نسلی،علاقائ،رنگ و زبان کی بنیادوں پر لڑی جاتی ہیں ۔موجودہ ترقی یافتہ دور میں ایک طرف سے دُنیا انسانی حقوق کے دِن کو پوری دھوم دھام اور تزک و احتشام سے منارہی ہے وہیں قتلِ انسانی کا لامنتاہی سلسلہ تھمنے کا نام لے رہا ہے۔ چہار دانگ عالم میں انسانی حقوق پامال ہورہے ہیں۔ رنگ،نسل، ذات پات کی بنیاد پر عام لوگ ایک دوسرے کے ساتھ دست و پا ہیں۔ یوکرین اور کوریا کی خونین جنگ ابھی چل ہی رہی تھی کہ اسرائیل اور فلسطین آپس میں لڑ پڑے۔اس قیامت خیز جنگ نے پوری دُنیا کو ہلاکے رکھ دیا۔ایک رپورٹ کے مطابق ابھی تک 18000لوگ شہید ہوئے،ہزاروں نیم بسمل ہیں اور فلک بوس عمارتیں صفحہ ہستی سے مٹ گئیں۔دُنیا کے قید خانوں میں ہزاروں انسان چیخ چیخ کر پکار رہے ہیں کہ آخر انسان کے حقوق کا دن تقریروں اور تقاریب سے ہی محدود کیوں؟آج دُنیا جنگلوں کی حفاظت کی لیے نئے قوانین مرتب کرنے پر ذور دے رہی ہیں،جنگلی جانوروں کی حفاظت کی بات کی جارہی ہے لیکن حضرتِ انسان کے حقوق پاوں تلے روند ڈالے جارہے ہیں۔ضرورت ہے کہ کاغذی گھوڈوں کو دوڈانے سے بہتر یہ ہے کہ عملی میدان میں انسان کے حقوق کی بحالی کے لئے کام کیا جائے،نفرتوں کی دیواروں کو مٹایا جائے،جنگ و جدل کو ختم کرکے امن و آشتی کا ماحول پیدا کرنے کے لئے کوششیں کی جانی چاہئے اور ہر ایک انسان کو انصاف ،امن اور عزت سے زندگی گزارنے کا برابر حق دیا جائے۔ رپورٹوں،تبصروں،جنگ و جدل کی تباہ کاریوں اور زیاں کاریوں پر لچھے دار تقریروں سے بہتر یہ ہے کہ پوری دنیا میں چل رہے جنگوں کو ختم کرنے کے لئے اقدامات اُٹھائے جائیؑں۔
