سری نگر،01اگست:
سری نگر-لیہہ ہائی وے کو زوجیلا پاس کے قریب شدید بارشوں کی وجہ سے کئی مٹی کے تودے گرنے کے بعد پیر کی صبح ٹریفک کے لیے بند کر دیا گیا۔اطلاعات کے مطابق حکام نے یہاں بتایاکہ پیر کی صبح زوجیلا پاس کے قریب لینڈ سلائیڈنگ ہوئی جس سے ہائی وے کو ٹریفک کی نقل و حرکت کے لیے بند کر دیا گیا۔
انہوں نے کہا کہ لینڈ سلائیڈنگ کی سڑک کو صاف کرنے کے لیے افراد اور مشینری کو کام میں لگا دیا گیا ہے۔انہوں نے مزید کہا کہ فی الحال ہائی وے پر ٹریفک معطل ہے، جبکہ متعدد گاڑیاں بھی سڑک پر پھنسی ہوئی ہیں۔
