نئی دہلی، 13 اپریل :
بھارت میں گزشتہ 24 گھنٹوں میں کورونا وائرس کے انفیکشن کے 1088 نئے معاملے درج ہوئے ہیں، جو کل رپورٹ ہونے والے 796 سے زیادہ ہیں۔ نئے کیسز کے ساتھ کیسز کی کل تعداد چار کروڑ 30 لاکھ 38 ہزار 16 ہو گئی ہے۔
صحت اور خاندانی بہبود کی مرکزی وزارت نے بدھ کو یہاں بتایا کہ آج صبح 7 بجے تک 186 کروڑ 7 لاکھ 06 ہزار 499 کووڈ ویکسین دی گئی ہیں۔
ملک میں کورونا کے فعال مریضوں کی تعداد 10 ہزار 870 ہے۔ منگل کے مقابلے اس میں 19 کی کمی آئی ہے۔ ملک میں ایکٹو کیسز کی شرح 0.03 فیصد ہے۔ یومیہ انفیکشن کی شرح 0.25 فیصد ریکارڈ کی گئی۔
وزارت نے کہا کہ گزشتہ 24 گھنٹوں میں 26 افراد کی موت ہوئی ہے۔ یہ تعداد بھی کل سے زیادہ ہے۔ منگل کو یہ تعداد 19 تھی۔ اس کے ساتھ ہی ملک میں اس وبا سے مرنے والوں کی تعداد بڑھ کر پانچ لاکھ 21 ہزار 736 ہو گئی ہے۔ ملک میں کووڈ-19 سے ہونے والی اموات کی شرح 1.21 فیصد ہے۔ اسی مدت میں 1081 لوگوں کو کووڈ سے نجات ملی۔ اب تک کل چار کروڑ 25 لاکھ پانچ ہزار 410 لوگ کووڈ سے صحت یاب ہو چکے ہیں۔ ری کوری کی شرح 98.76 فیصد ہے۔
گزشتہ 24 گھنٹوں میں ملک میں چار لاکھ 29 ہزار 323 کووڈ ٹیسٹ کیے گئے ہیں۔ ملک میں اب تک کل 79 کروڑ 49 لاکھ 54 ہزار 525 کووڈ ٹیسٹ کیے جا چکے ہیں۔
کیرالہ میں، پچھلے 24 گھنٹوں میں فعال معاملات کی تعداد 17 بڑھ کر 2982 ہوگئی ہے۔ اس کے ساتھ ہی 262 افراد کے صحت یاب ہونے کے بعد اس سے نجات پانے والوں کی تعداد 6465037 جب کہ مرنے والوں کی تعداد 68402 ہو گئی ہے۔
کرناٹک میں ایکٹو کیسز 38 کم ہو کر 1450 رہ گئے ہیں۔ اس دوران 86 مریضوں کے صحت یاب ہونے کے بعد اس وبا سے نجات پانے والوں کی کل تعداد 3904577 ہوگئی ہے۔ ریاست میں مرنے والوں کی تعداد 40057 پر مستحکم ہے۔(یو این آئی)
