سری نگر، 25 اپریل: جموں و کشمیر کے بارہمولہ ضلع میں جمعرات کو سیکورٹی فورسز اور عسکریت پسندوں کے درمیان ایک انکاؤنٹر شروع ہوا، پولیس نے بتایا۔
جموں و کشمیر پولیس (کشمیر زون) نے ایکس پر ایک پوسٹ میں کہا، “پی ڈی (پولیس ضلع) سوپور کے علاقے میں چیک محلہ نوپورہ میں ایک انکاؤنٹر شروع ہوا ہے۔”
جمعرات کی شام سوپور میں جاری تصادم کے دوران ایک شہری زخمی ہوا۔
حکام کے حوالے سے بتایا گیا کہ سوپور کے چیک محلہ نوپورہ میں جاری آپریشن کے دوران فاروق احمد ڈار کے نام سے ایک شہری کو کندھے میں گولی لگی۔
زخمی کو قریبی طبی مرکز میں منتقل کر دیا گیا ہے اور اس کی حالت مستحکم بتائی جاتی ہے۔
قبل ازیں حکام نے بتایا کہ فوج کی 22 آر آر، سی آر پی ایف اور جموں و کشمیر پولیس کی ایک مشترکہ ٹیم نے علاقے میں دہشت گردوں کی موجودگی کے بارے میں مصدقہ اطلاعات ملنے کے بعد سوپور کے نوپورہ گاؤں میں محاصرے اور تلاشی کی کارروائی کی۔
عہدیداروں نے بتایا کہ جیسے ہی مشترکہ ٹیم مشتبہ مقام کی طرف پہنچی، چھپے ہوئے عسکریت پسندوں نے فورسز پر گولی چلائی جس سے انکاؤنٹر شروع ہوگیا۔
