از:اجمیرعالم وانی
ترجمہ نگار:سیدبشارت الحسن
جموں و کشمیر جسے دنیامیں جنت ارضی کہا جاتا ہے ،سے زیادہ سیریکلچر کی تبدیلی کی طاقت کہیں بھی واضح نہیں ہے، جہاں یہ قدیم دستکاری اپنی ثقافت کے تانے بانے میں گہرائی سے جڑی ہوئی ہے۔ ریشم کی زراعت خطے کی معیشت میں ریڑھ کی ہڈی کا کام کرتی ہے، جو اس کی دیہی آبادی کے ایک بڑے حصے کو سہارا دیتی ہے۔ ہزاروں سالوں پر محیط ایک متحرک تاریخ کے ساتھ، جموں و کشمیر ریشم کی پیداوار کی پائیدار میراث کے ثبوت کے طور پر کھڑا ہے۔
آج، جب ہم سیریکلچر کی دنیا میں داخل ہو رہے ہیں،ہمیں ان لوگوں کی کوششوں کا جشن مناناچاہئے جنہوں نے اس لازوال ہنر کے لیے اپنی زندگیاں وقف کر دی ہیں۔
اس سلسلے میں ہم نے بات کی ہے جموں وکشمیر کے صوبہ جموں کے ضلع پونچھ کی داکٹر روبیہ بخاری سے جو جموں یونیورسٹی کے پونچھ کیمپس کے شعبہ سیریکلچرمیں بطور لیکچرر اپنی نمایاںخدمات انجام دے رہی ہیں۔ڈاکٹر روبیہ بخاری سے مذکورہ شعبہ سے متعلق چند سوال اور ان کے جوابات آپ کی بصارتوں کی نظر:۔
۰سیری کلچر کے شعبے میں اپنا اور اپنی مہارت کا مختصر تعارف کروائیں؟
}میں ڈاکٹر روبیہ بخاری ضلع جموں وکشمیر کے صوبہ جموں کے ضلع پونچھ کی رہنے والی ہوں۔میں جموں یونیورسٹی کے پونچھ کیمپس کے شعبہ سیریکلچر میں بطور لیکچرراپنی خدمات انجام دے رہی ہوں۔ میں نے اپنی داکٹریٹ ڈگری شیر کشمیر یونیورسٹی آف ایگریکلچرل سائنسز اینڈ ٹیکنالوجی جموں سے مکمل کی ہے ۔ میری مہارت جین کی ہیرا پھیری، سلک ورم بائیوٹیکنالوجی جین ایکسپریشن، جین کریکٹرائزیشن، مالیکیولر بائیولوجی، بائیوٹیکنالوجی کی تکنیک وغیرہ شامل ہے۔۔ مجھے 2019 میں ڈاکٹریٹ کے مقالے کے لیے سیریکلچر میں مسلسل اعلیٰ کارکردگی کے اعتراف میں بہترین تھیسس ایوارڈ اور ینگ سائنٹسٹ ایوارڈ سے بھی نوازا گیا۔ مجھے 2021 میں ویمن ریسرچر ایوارڈ اور ینگ ایمرجنگ لیکچرر سے بھی نوازا گیا۔
۰اپنے تحقیقی کریڈٹس کے متعلق کچھ بتائیں؟
}میرے تحقیقی کریڈٹس میں ہندوستان اور بیرون ملک کے مشہور/ریفر کردہ قومی اور بین الاقوامی جرائد میں تقریباً 30 اصل تحقیقی اشاعتیں ہیں۔ مجھیچار سال سے زیادہ کا تدریسی تجربہ ہے۔ میں نے کئی قومی/بین الاقوامی کانفرنسوں، سیمینارز میں اپنے تحقیقی کام پیش کیے اور چار کتابیں بھی تصنیف کیں۔ میں نے مختلف قومی اور بین الاقوامی جرائد کی جائزہ نگاری اور ایڈیٹر کا کام بھی کیاجن میںجرنل آف اینٹومولوجی اینڈ زولوجی اسٹڈیز (ایسوسی ایٹ ایڈیٹر)، انٹرنیشنل جرنل آف فاؤنا اینڈ بائیولوجیکل اسٹڈیز (ایسوسی ایٹ ایڈیٹر)، انٹرنیشنل جرنل آف اپلائیڈ ریسرچ (ایسوسی ایٹ ایڈیٹر)، ایکٹا اینٹومولوجی اینڈ زولوجی (اسسٹنٹ ایڈیٹر)، انڈین جرنل آف پیور اینڈ اپلائیڈ بائیو سائنسز (ایسوسی ایٹ ایڈیٹر)شامل ہیں۔ میں کئی مضامین اور پانچ کتابوں میں کئی ابواب کی مصنف بھی ہوں۔ میں نے مختلف کتابوں، تحقیقی مقالوں اور ابواب کے لیے بھی لکھا ہے۔
۰کس چیز نے آپ کو سیری کلچر میں کیریئر بنانے کی ترغیب دی؟
}میرے کیریئر کے طور پر سیری کلچر کو منتخب کرنے کی وجہ یہ تھی کہ سیری کلچر دیہی علاقوں کے لوگوں کو فائدہ مند روزگار، معاشی ترقی اور معیار زندگی میں بہتری فراہم کرتا ہے ، یہ غربت کے خاتمے کے پروگراموں میں اہم کردار ادا کرتا ہے اور دیہی علاقوں کی شہروں کی جانب نقل مکانی کو روکتا ہے۔ لوگ روزگار کی تلاش میں شہری علاقوں کا رخ کرتے ہیںاور سیریکلچر انہیں دیہی علاقوںمیں بھی روزگار فراہم کرتا ہے۔ ریشم کے کیڑوں کی پرورش ان دنوں ایک نایاب منظر ہیجہاںسیری کلچرسٹ کیریئر میں خام ریشم اور ریشم کے دھاگے تیار کرنے کے لئے ریشم کے کیڑوں کی پرورش شامل ہے۔ ملبوسات کی صنعت کی ضروریات کو پورا کرنے کے لیے، اس صنعت کو خام ریشم کی پیداوار کے لیے بہت زیادہ کوششیں کرنے کی ضرورت ہے۔تاہم، اس نے ٹیکنالوجی میں ہونے والی پیشرفت کی مدد سے کچھ موثر عمل کو شامل کیا ہے۔ ریشم کی کاشت جموں و کشمیرمیں روایتی پیشوں میں سے ایک ہے اور اس کی تقریباً 60فیصد دیہی آبادی کی مدد کرتی ہے۔ یہ صنعت جموں و کشمیر کی معیشت کی ریڑھ کی ہڈی رہی ہے اور جموں و کشمیر میں سیری کلچر کی ایک غیر معمولی متحرک تاریخ ہے۔ درحقیقت، قدیم ادب میں اس بات کے کافی ثبوت موجود ہیں کہ ریشم کی ابتدا کشمیر میں ہوئی۔
۰سیریکلچرکے پیچھے کلیدی اصول اور تصورات کیا ہیں؟
}ریشم کی زراعت ریشم کے کیڑے کی کاشت اور ان سے ریشم نکالنے کا عمل ہے۔ گھریلو ریشم کے کیڑے کا کیٹرپلر ریشم کی زراعت میں سب سے زیادہ استعمال ہونے والا ریشمی کیڑا ہے۔ ریشم کی زراعت ایک بہت اہم زرعی بنیاد پر دیہی صنعت ہے جو ہندوستان میں تیزی سے بڑھ رہی ہے جس میں چھوٹے اور پسماندہ کسانوں کے لیے زیادہ آمدنی پیدا کرنے کی صلاحیت ہے،اس صنعت کے ذریعے خواتین کو گھر سے کام کرنے کا پلیٹ فارم مہیا کیا جاتا ہے اوراس طرح خواتین کو بااختیار بنانے میں اضافہ ہوتا ہے۔
۰کیا آپ سیری کلچر میں کوئی حالیہ پیش رفت یا کامیابیاں بتا سکتی ہیں جس نے آپ کی توجہ اس جانب مبذول کروائی ہو؟
}وزارت کی طرف سے ریشم کی پیداوار کو فروغ دینے کے لیے کیے گئے کچھ حالیہ پالیسی اقدامات درج ذیل ہیں۔
ریشم کی پیداوار کو RKVY کے تحت زراعت سے منسلک سرگرمی کے طور پر شامل کیا گیا ہے۔ یہ سیری کلچرسٹوں کو اس اسکیم کے فوائد حاصل کرنے کے قابل بناتا ہے تاکہ ریشم کی تمام سرگرمیوں کو دوبارہ شروع کیا جاسکے۔
ایک اور جامع زرعی ترقیاتی پروگرام ہے۔
ایچ اے ڈی پی کے تحت 29 پراجیکٹس ہیں،جن میں سے سیری کلچر کی مالیت 93 کروڑ ہے۔اس کا آغازجموں وکشمیر یوٹی کے لیفٹیننٹ گورنر منوج سنہا کی طرف سے 21 دسمبر 2022 کوکیا گیاجہاںمنگلا رائے، سابق ڈی جی ، آئی سی اے آرکواس کے چیئرمین اور ڈاکٹر اشوک دلوائی ،سی ای او ،این آر اے اے تعینات کیا گیا۔وہیںاس پروجیکٹ کوجموں و کشمیر میں سیری کلچر کو مضبوط بنانے کے لیے ٹیکنالوجیز مداخلت دیا گیا۔
اس پروجیکٹ کے اہم نتائج دیکھنے کو ملے جن میںریشم کے کیڑے کے بیجوں اور کوکون کی پیداوار کو دوگنا کرنا اور اعلیٰ معیار کے بائیوولٹائن ریشم کے پروڈیوسر کے طور پر جموں و کشمیر کی شان کو دوبارہ حاصل کرناشامل ہے۔علاوہ ازیںشہتوت کے دس لاکھ پودے لگانا، جدید ترین آٹومیٹک ریلنگ کی سہولت کی تخلیق بھی اہم پہلو ہے۔
اسے مضبوط کرنے کے لئے اہم 4 اجزاء ہیں جن میں
تکنیکی مداخلت،بیج کی پیداوار،چوکی پالنے کے مراکز،مارکیٹ شامل ہیں۔
اس پروجیکٹ کی ترغیبی اسکیموں میںنابارڈ اسکیم،سلک سماگراجسے ملک میں ریشم کی صنعت کی سرگرمیوں کو برقرار رکھنے اور مضبوط کرنے کے لیے سی ایس بی کے ذریعے ریشم کی صنعت کی ترقی کے لیے نافذ کیا گیا ہے۔علاوہ ازیںتربیتی پروگرام،کاروبار اور مارکیٹنگ کے مواقع بھی اس میں شامل ہیں۔
۰آپ کی رائے میں، کسی کو سیری کلچر کے شعبے میں کامیابی حاصل کرنے کے لیے کن کن مہارتوں یا خوبیوں کی ضرورت ہے؟
}مجھے یقین ہے کہ کہیں بھی کامیابی حاصل کرنے کے لیے خود حوصلہ افزائی اور اعتماد کی ضرورت ہوتی ہے۔ اگر میں خاص طور پر سیری کلچر کے بارے میں بات کروں تو صنعت میں ہر کسی کی مدد کرنے کے لیے تازہ ترین سیریکلچر ٹیکنالوجیز کے ساتھ اپنی صلاحیتوں کو نکھارنیکی ضرورت ہے۔
میری نظر میں، ایک پیشہ جس میں سرکاری اور نجی شعبوں میں کئی مواقع موجود ہیں وہ سیری کلچرہے۔ کچھ افراد میں صلاحیتوں اور صفات دونوں کا انوکھا امتزاج ہوتا ہے، جو ان کی پیشکش کو بڑھاتا ہے اور سامعین کی مصروفیت کو بڑھاتا ہے۔
۰کیا آپ سیری کلچر کی تعلیم کو فروغ دینے اور طلباء اور کسانوں میں بیداری کے لیے جاری کوششوں یا اقدامات کو اجاگر کر سکتی ہیں؟
}حکومت ہند ،مرکزی سلک بورڈ (CSB) کے ذریعے درج ذیل اسکیموں کو نافذ کرکے ملک میں ریشم کے شعبے کو فروغ دے رہی ہے۔
سینٹرلسیکٹر اسکیم (CSS)ریشم کی صنعت کی ترقی کے لیے مربوط اسکیم اس ضمن میں ایک اہم پہلو ہے۔
