واشنگٹن، 22 اپریل :
امریکی ریاستوں کی تنظیم (او اے ایس) نے روس کی تنظیم میں مستقل مبصر کی حیثیت کو معطل کرنے کے لیے 25-0 سے ووٹ دیا۔ او اے ایس میں سینٹ لوشیا کی سفیر الزبتھ ڈیریوس کلارک نے ووٹنگ کے بعد یہ اعلان کیا۔
محترمہ ڈیریوس کلارک نے کہا،’’مستقل کونسل اس کے ذریعے امریکی ریاستوں کی تنظیم کے مستقل مبصر کے طور پر روسی فیڈریشن کی حیثیت کو معطل کرنے کی تجویز کو منظور کرتی ہے‘‘ ۔
تجویز کے حق میں 25 ووٹ پڑے جبکہ کسی نے مخالفت نہیں کی۔ آٹھ ممالک نے ووٹ نہیں دیا اور ایک ملک (نکاراگوا) غیر حاضر رہا۔
ووٹنگ کے بعد، امریکہ میں روس کے سفیر اناتولی انتونوف نے کہا کہ انہیں او اے ایس دستاویز پر ووٹنگ سے پہلے یا بعد میں اجلاس میں بولنے کا موقع نہیں دیا گیا۔
اشاعت کے وقت، اسپوتنک کو او اے ایس کی جانب سے انٹونوف کو بولنے کی اجازت کیوں نہیں دی گئی اس پر تبصرہ کرنے کی درخواست کا جواب نہیں ملا تھا۔
انتونوف نے او اے ایس کے فیصلے کی مذمت کرتے ہوئے اسے ایک سنگین غلطی بتایا ہے۔اسپوتنک
