G-20 بین الاقوامی اقتصادی تعاون کا سب سے بڑی تنظیم ہے جو عالمی جی ڈی پی کا تقریباً 85 فیصد، دنیا بھر کی تجارت کا 75فیصد سے زیادہ، اور دنیا کی تقریباً دو تہائی آبادی کی نمائندگی کرتا ہے۔G-20 کی صدارت کے دوران، ان مسائل پر توجہ مرکوز کرنے کے اپنے عزم کو ظاہر کرنے کے لیے جو اس کے لیے اہم ہیں، ہندوستانی حکومت ہندوستان بھر میں متعدد مقامات پر 32 مختلف شعبوں میں تقریباً 200 میٹنگیں منعقد کرے گا۔ اگلے سال منعقد ہونے والاG-20 سربراہی اجلاس ہندوستان کی میزبانی میں ہونے والے اعلیٰ ترین بین الاقوامی اجتماعات میں سے ایک ہوگا۔
وزیر خارجہ ایس جے شنکر نے G-20 اور UNSC کے لیے ہندوستان کے ایجنڈے کی وضاحت کرتے ہوئے کہا ہے کہ نئی دہلی گروپ کی صدارت کو عالمی جنوب کے مفادات اور خدشات کی عکاسی کرنے کے لیے استعمال کرنا چاہے گا۔
ہندوستان کے باضابطہ طور پرG-20 کی صدارت سنبھالنے کے بعد تحریر کیے گئے اپنے خاص مضمون میں PM مودی نے لکھا ہے کہ وہ ایک جامع، امن پر مبنی اور فیصلہ کن ایجنڈے کے ذریعے عالمی بھلائی کے لیے کام کریں گے۔ انھوںنے کہا کہ ’’ہندوستان مجموعی طور پر انسانیت کو فائدہ پہنچانے کے لیے بنیادی ذہنیت کی تبدیلی کو متحرک کرسکتا ہے؟ مجھے یقین ہے کہ ہم ایسا کرسکتے ہیں۔‘‘
وزیر اعظم نے اس بات پر زور دیا کہ ہندوستان کیG-20 صدارت کا موضوع -’’ایک زمین، ایک خاندان، ایک مستقبل‘‘ – صرف ایک نعرہ نہیں ہے کیونکہ یہ ’’انسانی حالات میں حالیہ تبدیلیوں‘‘ کو مدنظر رکھتا ہے، انہوں نے مزید کہا کہ ہندوستان کیG-20 صدارت کے دوران یکجہتی کے عالمگیر احساس کو فروغ دینے کے علاوہ اور دیگر عالمی مسائل پر اپنی توجہ مرکوز کرے گی۔وزیر اعظم نے کہا کہ ہندوستان دیگر موضوعات کے ساتھ ساتھ خوراک، کھاد اور طبی مصنوعات کی عالمی سپلائی کو غیرسیاسی کرنے، پائیدار طرز زندگی کی حوصلہ افزائی پر کام کرنے کا منتظر ہے۔ ہماری آنے والی نسلوں میں یہ امید قائم کرنے کے لیے، ہندوستان بڑے پیمانے پر تباہی پھیلانے والے ہتھیاروں سے لاحق خطرات کو کم کرنے اور عالمی سلامتی کو بڑھانے کے لیے، موسمیاتی تبدیلی، دہشت گردی اور وبائی امراض کے علاوہ سب سے طاقتور ممالک کے درمیان ایماندارانہ بات چیت کی حوصلہ افزائی کرے گا۔
G-20 کے لیے ہندوستان کا منصوبہ
درحقیقت، وزیر اعظم اور EAM کی طرف سے بیان کردہ مسائل متاثر کن لگتے ہیں، پھر بھی اصل چیلنج یہ ہوگا کہ اگلے ایک سال میں ان کو حقیقی کامیابیوں میں کیسے تبدیل کیا جائے۔ بھارت مختلف اہم مسائل پر عالمی موقف کو تبدیل کرنے میں کس طرح تعاون کر سکتا ہے، بشمول؛ مہنگائی کو کنٹرول کرنا، ماحولیاتی تبدیلیوں اور وبائی امراض کے خطرات پر مثبت کارروائی، اس کے علاوہ ایک جامع گورننس ماڈل تیار کرنا۔
امید ہے کہ ہندوستان عالمی معیشت میں بامعنی کردار اداکر سکتا ہے اورG-20 صدر کے طور پر اپنے دور حکومت میں موجودہ غیر مستحکم جغرافیائی سیاسی حالت کو بہتر بنانے میں مدد کر سکتا ہے۔دنیا کووڈ کی وجہ سے پیدا ہونے والی معاشی بدحالی اور سپلائی چین کے مسائل کے بعد کساد بازاری کی طرف دیکھ رہی ہے جو روس-یوکرین کے تنازعہ سے مزید بڑھ گئی ہے، جس سے مہنگائی میں اضافہ ہوا ہے۔ ان سب واقعات نے عالمی ترقی میں ایک بڑی رکاوٹ حامل کی ہے۔ جہاں 2021 میں دنیا کی شرح نمو 6 فیصد رہی، وہیں 2022 میں شرح نمو 3.2 فیصد تک گرنے اور 2023 میں مزید 2.7 فیصد تک گرنے کا امکان ہے۔ عالمی افراط زر کی شرح، جو 2021 میں 4.7 فیصد تھی، 2022 کے آخر تک بڑھ کر 8.8 فیصد ہونے کی توقع ہے۔ تاہم، ہندوستان میں رواں مالی سال میں 6.8 فیصد اور 6.4 فیصد اضافے کی توقع ہے۔ اگلے سال میںاسی طرح کی اقتصادی ترقی اور استحکام کے حصول میں ہندوستان دوسروں کے لیے ایک مثال ثابت ہوسکتا ہے۔
G-20 اعلامیہ، جس میں بنیادی طور پر ہندوستانی نظریات کی بازگشت تھی، نے ملکوں خاص طور پر پسماندہ ملکوں اور عوام کو، ان کی معیشت کو بہتر بنانے کے لیے ایک پلیٹ فارم دے کر عالمی میکرو اکنامک استحکام کو آگے بڑھانے کا عزم ظاہر کیا ہے۔
ہندوستانی ماہرین اقتصادیات درمیانی آمدنی اور کم آمدنی والے ممالک کی بہتر سمجھ رکھتے ہیں۔ ہندوستان، اپنے منفرد نقطہ نظر کے ساتھ، ان ممالک کی معیشت کوپائیدار طور پر بڑھانے کے لیے G-20کی مدد کر سکتا ہے۔ ہندوستان کا معاشی ماڈل، جس نے کھلی، لبرل منڈیوں کی وکالت کی ہے جو سب سے زیادہ کمزور لوگوں کو بھی مواقع فراہم کرتی ہے، نے دنیا بھر کے ممالک اور تنظیموں کی طرف سے تعریف حاصل کی ہے۔
سفارتیتانا بانا
پچھلے ایک سال کے دوران خاص طور پر ہندوستان، روس اور ایران کے علاوہ دو امریکی انتظامیہ کے ساتھ خوشگوار تعلقات برقرار رکھنے میں کامیاب رہا ہے، اور بڑھتے ہوئے عالمی دباؤ کے باوجود، تمام ممالک اور دھڑوں کے ساتھ مثبت سفارتی تعلقات برقرار رکھنے میں بھی کامیاب رہا ہے۔
G-20 اور UNSCکی ہندوستانی صدارت کو مختلف حلقوں سے حمایت حاصل ہورہی ہے۔ ان ملکوں میں امریکہ اور فرانس بھی شامل ہیں۔ امریکی اور فرانسیسی صدور نے اپنے ٹویٹس کے ذریعے ان دونوں تنظیموں میں ہندوستان کی صدارت کی حمایت کا اعلان کیا ہے۔ اس طرح ایسا لگتا ہے کہ ہندوستان کو عالمی مسائل سے نمٹنے کے لیے نئی سوچ شروع کرنے کے لیے عالمی طاقتوں کی بھی مکمل حمایت حاصل ہے، اس کے علاوہ گلوبل ساؤتھ یعنی کہ پسماندہ ممالک کی آواز بننے اور اقوام متحدہ کو اس کے SDGs کے اہداف کو مزید حاصل کرنے میں مدد کرنے کا موقع بھی ہندوستان کو حاصل ہورہاہے۔
ان دونوں تنظیموں کے ذریعے ہندوستان ان موضوعات پر خاص طور پر توجہ مرکوز کرسکتا ہے جو دنیا کے مستقبل پر آنے والے وقت میں اثر انداز ہوںگی ، جیسے کہ موسمیاتی تبدیلی سے متعلق سرگرمیاں، Net Zero کو حاصل کرنے کی پیروی کرنا، ایک ایسا تبدیل شدہ معاشی نظام قائم کرنے کے طریقے جو غریب ممالک کو بھی باصلاحیت اور ترقی یافتہ بناسکیں اور ساتھ ہی اقوامِ متحدہ جیسی عالمی تنظیم کو بھی زیادہ بااختیار بنانے اور اس بات کو یقینی بنانے کہ اس کے ذریعے غریب ملکوں کی آواز بھی سنی جاسکے اور ان کو درپیش مسائل پر زیادہ مؤثر طریقے سے کارروائی کی جاسکے۔
اس طرح، اس وقت ہندوستان کے لیے بھرپور موقع ہے کہ وہ مختلف عالمی مسائل کے حل کے لیے موجودہ ہندوستانی حکومت کی سوچ کو آگے بڑھاتے ہوئے ان مسائل کے حل کے لیے کوشاں ہو اور ہم واقعی امید کرتے ہیں کہ ہندوستان عالمی دنیا کو درپیش ان مسئلے کو حل کرنے کے لیے عملی طور پر کام کرتے ہوئے G-20پر سفارتی اور سیاسی طور پر اپنا نقش چھوڑنے میں کامیاب رہے گا۔
