جموں ,25 جون:
فوج نے ہفتہ کو جموں و کشمیر کے پونچھ ضلع میں نوجوانوں کو اگنی پتھ اسکیم کے بارے میں بیدار کرنے کے لیے ایک بیداری پروگرام کا انعقاد کیا۔ اس اسکیم کے تحت 17 سے 23 سال کی عمر کے نوجوانوں کو فوج، فضائیہ اور بحریہ میں چار سال کے کنٹریکٹ پر بھرتی کیا جائے گا،۔اگنی پتھ اسکیم نے ملک بھر میں پرتشدد مظاہروں کو جنم دیا ہے۔ جس کو مرکز نے گزشتہ ہفتے ہی متعارف کرایا تھا۔
فوج کے ایک سینئر افسر نے بتایا کہ ہفتہ کو، فوج کے مینڈھر گنرز نے سرحدی ضلع پونچھ میں دور دراز اور دیہی علاقوں کے نوجوانوں کو اگنی پتھ اسکیم کے بارے میں آگاہ کرنے کے لیے ایک سیمینار کا اہتمام کیا۔ انہوں نے کہا کہ مینڈھر کے آس پاس کے دیہاتوں سے تقریباً 30 مقامی لوگوں نے سیمینار میں شرکت کی۔
اہلکار نے بتایا کہ اسکیم کی مختلف کلیدی خصوصیات جیسے اہلیت کے معیار، مالی فوائد، شرائط و ضوابط، پہلی بھرتی کے لیے عمر میں خصوصی رعایت اور چار سال کی سروس کے خاتمے کے بعد مواقع کے بارے میں ایک لیکچر منعقد کیا گیا۔ انہوں نے کہا کہ بھرتی کے لیے تازہ ترین نوٹیفکیشن کی تاریخ اور وقت بھی نوجوانوں کے ساتھ شیئر کیا گیا تھا۔
انہوں نے کہا کہ فوجی حکام نے اس اسکیم کے بارے میں نوجوانوں کے ذہنوں میں موجود شکوک و شبہات کو دور کرنے کی کوشش میں سوالات کے جوابات دیئے اور انہیں مستند اور قابل اعتماد معلومات فراہم کرکے ان کے خدشات کو دور کیا۔ عہدیدار نے بتایا کہ موجود تمام شرکاء نے سیمینار کے انعقاد پر مینڈھر گنرز کا شکریہ ادا کیا۔
