تحریر ۔ محمد انیس
اس موضوع پر تقریباًً ہر سال 15 اگست کی آمد پر اردو اخبارات میں متعدد مضامین چھپتے ہیں۔ اس بار بھی ڈھیروں مضامین چھپے جن میں تاکید کی گئی ہے کہ مسلمان اپنے اکابرین کی قربانی سے غافل نہ رہے ۔ اس میں کچھ غلط بھی نہیں ہے ۔ میرے معلومات کی حد تک تحریک آزادی میں مسلمانوں کی شمولیت 65 فیصد سے کم نہ تھی۔ اس عظیم شمولیت کی وجہ یہ تھی کہ مسلمان سمجھتے تھے کہ آزادی کے بعد پھر سے مسلمانوں کی حکومت قائم ہوجائے گی جیسی کہ پچھلے سات سو سال سے تھی ۔ اس خیال کے زعم میں علماء نے انگریزوں کے خلاف جہاد کا فتوٰی بھی دے دیا تھا . سوچنے کی بات ہے کہ کیا علماء دیوبند ( جمیعت العلماء کی پوری ٹیم ) یا علماء صادق پور نے کسی ہندو کو اقتدار سونپنے کیلئے جہاد کا اعلان کیا تھا ؟ ہرگز نہیں ۔ ان کا گمان وہی تھا جس کا میں نے ذکر کیا ۔ یعنی مسلمانوں کی پھر سے حکومت ۔
تاہم آزادی کے قریب جاکر اس خیال کو زبردست جھٹکا لگا کہ جب مسلم لیگ نے مذہب کی بنیاد پر ملک کے بٹوارے کی تحریک شروع کردی۔ اس کے بعد تحریک آزادی میں مسلمانوں کا رول سمیٹتا چلاگیا۔ ان کی پوری توانائی تحریک پاکستان میں کی نذر ہوگئی ۔ یہی وہ پوائنٹ ہے جس کے اعتراف سے ہم گھبراتے ہیں ۔ ہمیں سمجھنا ہوگا کہ آزادی کے بعد اب ہمیں جو پوزیشن ملےگی وہ عدل پر نہیں بلکہ عدد پر ملےگی۔
آج ہمیں یہ شکایت ہے کہ آزادی کے بعد اس ملک میں مسلمانوں کو اس کی قربانی کے بقدر ثمرہ نہیں ملا ۔ تحریک آزادی میں مسلمانوں کی قربانی کو سازش کے تحت بھلادیا گیا ۔ میری ناقص رائے ہے کہ اس میں کوئی سازش نہیں ہے، بلکہ ملک کے بٹوارے کے روپ میں ہم نے ایک کمتر چیز یعنی پاکستان پر اکتفا کرلیا، ورنہ متحدہ ہندوستان میں بہادر شاہ ظفر کے جانشین کے روپ میں پھر ایک مسلم چہرہ سامنے آسکتا تھا ۔ اگر نہ آتا تو بھی ایک زبردست طاقت سامنے آتی جسے کوئی فرقہ پرست یا گودی میڈیا نظرانداز نہیں کرپاتا۔
ملک تقسیم نہ ہوتا تو آج متحدہ ہندوستان میں مسلمانوں کی آبادی کا تناسب کچھ اس طرح ہوتا۔۔۔
Present muslim Population.
a. Pakistan 23.5 cr
b. Bangladesh 15.5 cr
c. India 20 cr (14.2% of 140 cr)
Total muslim population in the subcontinent.a+b+c= 59 cr
_________________
Total mixed population of the sub continent (presently).
a. India 140 cr
b. Pakistan 24.5 cr (including hindus)
c. Bangladesh 17 cr
Total mixed population a+b+c = 181.5 cr
_______________
Muslim percentage in United India. 32.5 % ( 59 cr out of 181.5cr)
Sc+St population 25%
Christian+ other religion 5%
Hindu population 37%
اسطرح متحدہ ہندوستان میں آج مسلمانوں کی آبادی 32.5 فیصد ہوتی اور ہندؤں کی آبادی 37 فیصد ۔ اسطرح ہندو مسلم آبادی میں کوئی بڑا فرق نہ ہوتا ۔ اس ratio میں کسی ایک فرقہ کیلئے ممکن نہ ہوتا کہ وہ کسی دوسرے فرقہ کو نظرانداز کرتا یا اس کے ساتھ زیادتی کرتا۔ چنانچہ اس تقسیم سے صرف ہندو قوم کو فائدہ ہوا، مسلم قوم کو نہیں ۔ اس لئے جنگ آزادی میں آج زیادہ تر ہندو لیڈروں کا نام لیا جاتا ہے ۔ مسلم لیڈروں کا بھی نام لیا جاتا ہے مگر یہاں نہیں پاکستان میں ۔ مجھے نہیں معلوم پاکستان میں کسی ہندو لیڈر کا نام لیا جاتا ہے یا نہیں ۔
